Roma 14:8 - Muna Southern Dialect

⁸ Ane dodadi ingka dodadiomu so Ompu, ane domate ingka domateomu so Ompu. Dadiꞌanomo dodadi tawa domate intaodiomu fehebuaꞌano Ompu.

Roma 14:8 Referans Kwoze

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

1 Tesalonika 5:10

Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Powoha 14:13

Afetingkemo dua suaha nomaiꞌao te surugaa ambano, “Buhie! Dokodawua mpuu mie mateno seꞌiseno bhe Ompu notanda ampa aitu.” Ambano Rohino Lahataꞌala, “Uumbe daanumo. Andoa damewuleꞌao kahadhaa moꞌosando, hampano sabhaha podiu metaa naposabhangkaanda.”

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Filipi 2:30

Kapaꞌamo mbaꞌinomo kahadhaano Kristus nomaꞌo namate; anoa nopotahoꞌao inawano nofokapo nekaemimiu weo kaꞌondofaomiu ne idi.

Tula-tulando rasulu 13:36

Daud nodhalangi pahintano Lahataꞌala ne dhamanino, maka hato nomate dokobuhue ne sohihino awuaꞌino, mbadhano nohansurumo.

Yohanes 21:19

Kapugauꞌano peda anaꞌa nofohatoane nada amai so kamateꞌano Petrus, somo namekakalabhiaꞌao Lahataꞌala. Pada anaꞌa nopugaumo dua ne Petrus ambano, “Angkafimo Idi.”

Lukas 20:38

Ompu suano Lahataꞌalando mie mate, tamaka Lahataꞌalando mie dumadi. Kapaꞌamo ne wiseno Lahataꞌala kosasawindo mie dodadi.”