Roma 14:11 - Muna Southern Dialect

¹¹ Hampano notibuhi weo Kitabi peda aini, “Bhoasaono Ompu ⸤ bhe nofemata⸥ , ‘Bhe dadiku wutoku, kosasawindo mie dasumudhu datumaohao sombado ne wiseku, sabhaha mie daꞌumakui kanau Idimo Lahataꞌala.’ ”

Roma 14:11 Referans Kwoze

Roma 10:9

Ane ambamiu ne wiwimiu Yesus maitu o Ompu, bhe weo totono lalomiu parasaeaꞌomu putae Yesus nofowanue Lahataꞌala maiꞌao ne mate, ingka tetewei osumalamatiomu.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

Roma 15:9

Kanandooꞌanomo dua peda amaitu, neanomo sabhaha bansano liwu sigaoꞌano damekakalabhia Lahataꞌala hampano rahamatino netahimando. Aini noposahataa bhe tibuhino weo Kitabi peda aini, “Hampano anaꞌa amudhiko ne olotando sabhaha bansano liwu, aelagu amekalabhia neamu.”

Matius 10:32

Laꞌae mangakuno ne wisendo manusia putae anoa noangkafi Idi, aꞌumakuiꞌe dua te wiseno Amaku te surugaa.

Powoha 5:14

Mahaluku fato uluno maitu dotobhoosi, “Amin” bhe kamungkulaꞌi defodapa dotaohao sombado.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.