Roma 14:10 - Muna Southern Dialect

¹⁰ Tamaka hintu itu, noafa bhahaa foꞌalaꞌao bhahitiemu? Noafa pisakiꞌao bhahitiemu? Kapaꞌamo kosasawintoomu saneamo damewise ne kaengkohaꞌa kafobhitahakiꞌano Lahataꞌala.

Roma 14:10 Referans Kwoze

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

Yohanes 5:22

Amano miina naebhitahaki laꞌae maka dua, tamaka kuasa so nafobhitahakiꞌao padamo nowaꞌane Anano,

Tula-tulando rasulu 10:42

Yesus notudu kainsami tamolele Bhihita Metaa aini ne sabhaha liwu bhe tafofohatoꞌao putae Anoamo nepilino Lahataꞌala so bhitahakino mie dumadino bhe mateno.

Tula-tulando rasulu 4:11

Yesusmo ini nepulaoꞌaono Kitabi, ‘Kontu neꞌohondo mefelambuno, gahaꞌa nembalimo sandi bhalano.’ ⸤ Mefelambuno naꞌa ingka hintimiumo itu.⸥

Tula-tulando rasulu 17:31

Kapaꞌamo padamo nofotantue tempono so dabhitahakiꞌao manusia kosedhuniaꞌae ini, naposahataa bhe podiundo seemie-seemiea. O mie so fobhitahakino naꞌa padamo dua nofotantue, maka mbali tandano so doparasaeaꞌao sabhaha mie, Lahataꞌala nofowanue maiꞌao ne mate.”

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Matius 7:1

“Koise bhitahaki manusia bhaimu, keana nobhitahakiko Lahataꞌala.

Lukas 18:9

Yesus nepakemo dua kapalenda aini ne mie mabhino wutondo mie banara bhe misakino mie bhaindo.