Roma 14:1 - Muna Southern Dialect

¹ Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 14:1 Referans Kwoze

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

Roma 15:7

Dadiꞌanomo potahi-tahimaomu, pedamo dua Kristus notahima kaita so damekakalabhiaꞌao Lahataꞌala.

Roma 14:21

Naetaa koemo humaa dagi bhe fohoꞌu angguru tawa sigaoꞌano dua, ane habumu naꞌa naembali kakodhosaꞌano bhahitieꞌimu.

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.

Roma 4:19

Ne naꞌa Abraham nopandeꞌaanemo paemo nakosampuꞌaa, kapaꞌamo mbadhano nonalemo, maꞌomo moꞌono taꞌu. Pedamo dua Sara, mieno lambuno maitu, ingka nokekelemo tieno. Tamaka kaparasaeano Abraham miina naokongkoa.

Lukas 17:2

Mie medando naꞌa naetaa dakumantaiane kagili kontu ne wuꞌuno maka damotondue we teꞌi. Naetaa nada anaꞌa bhe nehabu tingkuno dhosa so mie ndidiki ini.

Matius 14:31

Yesus lasao nofonsoho limano maka nointahae bhe nopugau ambano, “Kakuhano kaparasaeamu gahaꞌa! Noafa nopoibhahaꞌao lalomu?”

Matius 12:20

Wulu tipakuno pae natumampuea, kantalea mohawuno hende pae nameoniea. Anoa napotaami sampe tubhono kasalamati neowano nafotalo.

Filipi 2:29

Tahima metaaꞌeomu weo kawulano lalomiu peda seemie dua bhahitie weo Ompu. Fosibhaladaomu mie medano anoa ini.

Yohanes 13:20

Amohatokoomu, kotu-kotuꞌu sasuka tumahimano mie netuduku notahimamo dua Idi, sasuka tumahimano Idi notahimamo Tumudu kanau.”

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Markus 7:19

mbaꞌinomo miina namesuaꞌa weo totono lalo, tamaka nekansuhu weo handado maka doꞌohoe toha we dhamba.” Pugauno Yesus naꞌa nokomaꞌanaꞌao sabhaha oti nehumaa nembali dohumaaꞌea.

Tula-tulando rasulu 28:2

Miendo liwuto aitu netaaꞌi sepaliꞌa lalondo ne insaodi. Andoa detampomo efi maka dosaliꞌi kainsami taehana hampano nokoꞌuse bhe nohindi.

Roma 11:15

Kapaꞌamo sanginomo nokukundoda Lahataꞌala neowamo pometaano Lahataꞌala bhe dhunia ini, mangke-mangkemo ane natumahimada Lahataꞌala. Ingka tanapototomo bhe mie mate suli dodadi!

Roma 14:2

Nandoo marasaeano putae nembali dohumaa sabhaha tihumaaꞌano, tamaka nandoo dua pata motangkano kaparasaea tadohumaa kaowu hunsau.

Roma 14:3

Momaano sabhahadamo koe nopisaki mie pata momaano, tamaka mie tapa momaano koe dua nofoꞌala mie momaano, kapaꞌamo mie aitu ingka notahimaemo dua Lahataꞌala.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

Ibrani 5:14

Tamaka oti motuꞌa so mie motangkano dadi, andoa dokaneamo wutondo dopake matando, tingalando bhe siitondo, sampe nembalimo dopofelesaane metaaꞌano bhe modaiꞌano.