Roma 12:18 - Muna Southern Dialect

¹⁸ Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Roma 12:18 Referans Kwoze

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Matius 5:9

Dokodawua mpuu meowano pometaa, kapaꞌamo dakumonada anaꞌino Lahataꞌala.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Markus 9:50

O gaha daanumo netaa, tamaka ane nasimotembeꞌa, kiha-kiha damekakahaane dua ae? Dadiꞌanomo, tabeano membaliomu peda gaha, pometa-metaaꞌomu.”

1 Petrus 3:11

Habu modai tabeano naꞌumohoe maka nahumabu metaaꞌano; naeꞌondofi pometaa, naꞌumuleiꞌe lalono ampa naꞌumawae.

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

1 Tesalonika 5:13

Feompuniꞌida mpuu weo kanini kaasimiu hampano kahadhaando. Sadhia dadi pometa-metaaꞌomu.

Efesus 4:3

Uleiꞌe lalomiu pometa-metaaꞌomu, neanomo kaseꞌisemiu kawaꞌaono Rohino Lahataꞌala sadaa-daa notidambaꞌao.

Matius 5:5

Dokodawua mpuu momaluno lalo, kapaꞌamo dhunia somo fehebuaꞌando.

1 Korintus 7:15

Ampamo kaowu ane mie pata marasaeano naꞌa gaono nahumunsa hobhineno tawa moꞌaneno, koise eleꞌaaneomua. Kapaꞌamo hintimiu moꞌane tawa hobhineno miina titapuomu. Lahataꞌala ingka nobhasikoomu so dumadiꞌaoꞌomu weo katohopono lalo.

Matius 5:24

hunsa kadeki kapopangamu ne wiseno medha kaefoampeꞌa naꞌa, maka suli pometaa bhe bhahitiemu naꞌa. Namada aitu maka suli foampe kapopangamu.

Roma 1:15

Dadiꞌanomo apoindalo mpuu aefolele Bhihita Metaa ne hintimiu dua meateno we kotano Roma itu.