Roma 11:28 - Muna Southern Dialect

²⁸ Hampano miendo Yahudi dokiido datumahima Bhihita Metaa, maka dembalimo kaewano Lahataꞌala. Aini nembalimo dawuamiu ⸤ mie suano Yahudi⸥ . Ampamo kaowu hampano padamo nopilida Lahataꞌala, miendo Yahudi sadaa-daaꞌe noasiaanda Lahataꞌala hampano ⸤ podhandino ne⸥ awuaꞌindo.

Roma 11:28 Referans Kwoze

Roma 11:7

Kaowu pedamo amai? Ingka neꞌondofindo miendo Israel miina daꞌumawaea, tamaka ⸤ seendaino⸥ tipilino doꞌawaemo. We simbalino mie tipilino maitu saneamo dembali katuꞌa fotu.

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Roma 11:11

Ameena dua: bhahaa katitunondo miendo Yahudi somo katiloleꞌando ⸤ maka paemo damoolia damanu⸥ ? Ingka paise. Tamaka dhosando miendo Yahudi neowamo kasalamati mbali bansano liwu suano Yahudi, somo kakonduaꞌano lalondo miendo Yahudi.

Roma 11:30

Endefiꞌini hintimiu meguuliomu ne Lahataꞌala, tamaka ampa aitu tahimamoomu rahamatino Lahataꞌala, hampano kameguulindo miendo Yahudi.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 14:2

Tamaka miendo Yahudi mongaheno marasaeano, dofekasodomo lalondo mie suano Yahudi so dabansiꞌao bhahitie marasaeano.

Lukas 1:54

Anoa notulumi Israel bhatuano, noangkafi podhandino bhe awuaꞌintoomu.