Roma 11:14 - Muna Southern Dialect

¹⁴ Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 11:14 Referans Kwoze

1 Korintus 7:16

Hintu hobhine, nada amai mandeꞌaane bhahaa putae moꞌanemu pataꞌo marasaeano maitu pae mosalamatie? Pedamo dua hintu moꞌane nada amai mandeꞌaane bhahaa putae hobhinemu pataꞌo marasaeano maitu pae mosalamatie?

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

Titus 3:5

Anoa nofosalamati kaita suano mbaꞌinomo habu metaantoomu tamaka hampano rahamati bhe kabhelano lalono. Lahataꞌala nohunsa Rohino mongkilono weo totono lalontoomu so namekanggelaꞌiꞌao dhosantoomu maka sumuli dalumente weo dadi buꞌou.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

Roma 11:11

Ameena dua: bhahaa katitunondo miendo Yahudi somo katiloleꞌando ⸤ maka paemo damoolia damanu⸥ ? Ingka paise. Tamaka dhosando miendo Yahudi neowamo kasalamati mbali bansano liwu suano Yahudi, somo kakonduaꞌano lalondo miendo Yahudi.

Yakobus 5:20

Tandaiꞌeomu wamba aini: mie moolino mosulino mie kodhosa ne metaaꞌano, mie aitu namosalamatimo alusuno mie kodhosa naꞌa maiꞌao ne mate, bhe nabhahi dhosa tiꞌamponiꞌano.

Roma 9:3

Ahelasimo nakumangkanai kanau balaano narakaa sampe apogaati bhe Kristus so kaetaaꞌano bhahitieꞌi saliwuku ⸤ miendo Yahudi⸥ sesampuꞌano bhe idi.

Filemon 1:12

Aitu anaꞌi kamoasiꞌaoku sepaliꞌa ini, atuduemo nasumuli we hintu.

Roma 10:19

Ameena toha, bhahaa daanumo miendo Israel miinaꞌo dalumosangie nefetingkendoa? Kafeenaku ini kabhao-bhaono notobhoosie anabii Musa peda aini, “Amekakonduaꞌe lalomiu ne bansano liwu suano umatiku, amoꞌamahakoomu ne bansano liwu kabhohe-bhoheno.”

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.