Roma 1:7 - Muna Southern Dialect

⁷ Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 1:7 Referans Kwoze

Kolose 1:2

Apakatue so hintimiu bhahitieꞌiku, umati mongkilono Lahataꞌala we Kolose, motangkano kaparasaea ne Kristus. Sio-siomo kabarakati bhe katohopono dadi maiꞌao ne Lahataꞌala Amantoomu sadhia napobhaiangkoomu.

Efesus 1:2

Sio-siomo kabarakati bhe katohopono dadi maiꞌao ne Lahataꞌala Amantoomu bhe ne Kristus Yesus, sadhia napobhaiangkoomu.

1 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus. Sio-siomo napobhaiangkoomu kabarakati bhe katohopono dadi.

2 Yohanes 1:3

Kabarakati, rahamati bhe katohopono dadi maiꞌao ne Lahataꞌala Amantoomu bhe Yesus Kristus Anano, sadhia napobhai bhe intaodiomu meateno weo kabanara bhe pomoa-moasiꞌao.

Filemon 1:3

Sio-siomo kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus sadhia napobhaiangkoomu.

2 Tesalonika 3:18

Sio-siomo kosasawimiu itu sadhia napobhaiangkoomu kabarakatino Ompuntoomu Yesus Kristus.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

Powoha 22:21

Sio-siomo kabarakatino Ompu Yesus sadhia napobhaiangkoomu kosasawimiu! Amin.

Filemon 1:25

Sio-siomo kabarakatino Ompu Yesus Kristus sadhia napobhaiꞌao totono lalomiu!

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

1 Petrus 1:15

Tamaka tabeano naongkilo totono lalomiu weo sabhaha nehabumiu, tapedamo kangkilono wutono Lahataꞌala toka bhasikoomu.

Titus 1:4

Titus, hintu anaku mpuu, kapaꞌamo intaodi saneamo marasaeano ne Kristus. Sio-siomo sadhia napobhaiangko kanini kaasi bhe katohopono dadi maiꞌao ne Lahataꞌala Amantoomu bhe Kristus Yesus Mosalamati kaita.

2 Timotius 4:22

Sio-siomo Ompu napobhaiꞌao totono lalomu. Sio-siomo dua namaꞌangkoomu kabarakatino.

1 Tesalonika 5:28

Sio-siomo sadhia napobhaiangkoomu kabarakatino Ompuntoomu Yesus Kristus.

1 Tesalonika 4:7

Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Filipi 4:23

Sio-siomo kabarakatino Ompu Yesus Kristus napobhaiꞌao totono lalomiu.

Filipi 4:20

Notifekalabhia mpuu Lahataꞌala Amantoomu ampa suhue dhamani. Amin.

Efesus 6:23

Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

Galatia 6:18

Bhahitieꞌiku! Sio-siomo kabarakatino Ompuntoomu Yesus Kristus sadhia napobhaiꞌao totono lalomiu. Amin.

1 Korintus 16:23

Sio-siomo kabarakatino Ompu Yesus sadhia napobhaiangkoomu.

Roma 9:25

Aini noposahataa bhe tibuhino weo Kitabino anabii Hosea peda aini, “Mie tapa tilentuno umatiku, akumonadamo dua umatiku; mie tapa nemoasiꞌaoku akumonae kamoasiꞌaoku.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.

Roma 8:39

kokuasano te lani tawa kokuasano we wite, tawa mahaluku sigaoꞌano, saneamo pae damoolia dapogaati kaita bhe kanini kaasino Lahataꞌala mangkaꞌano ne Kristus Yesus Ompuntoomu.

Roma 1:6

Nepulaoꞌaoku sabhaha bansano liwu, ingka nopesuamo dua hintimiu ⸤ miendo Roma⸥ . Hintimiu nobhasikomoomu Lahataꞌala seꞌiseomu bhe Yesus Kristus.

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Powoha 3:22

Kotingalano naetaa nametingke wambano Rohino Lahataꞌala ne tombudo umati.”

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Powoha 2:29

Kotingalano naetaa nametingke wambano Rohino Lahataꞌala ne tombudo umati.”

Powoha 2:18

“Buhie dua so malaꞌekatino umati we Tiatira: pedamo aini kaowilino Anano Lahataꞌala, matano pasae hendeno efi, aꞌeno tapedamo tambaga ngkamala-mala.

Powoha 2:12

“Buhie dua so malaꞌekatino umati we Pergamus: pedamo aini kaowilino kokampue mohoko komata haa wetano.

Powoha 2:8

“Buhie dua so malaꞌekatino umati we Smirna: pedamo aini kaowilino Kabhao-bhaono bhe Kafetompaino, mada mateno bhe sumuli dumadino.

Tula-tulando rasulu 9:13

Ambano Ananias, “Ompu, nobhahimo kafetingkeꞌaku mie anaꞌa, notolau kadaino podiuno ne umatimu mongkilono we Yerusalem.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

1 Korintus 1:24

Tamaka mbali mie toka nebhasino Lahataꞌala, naetaa mieno Yahudi naetaa suano Yahudi, Kristus katiwohaꞌanomo kuasa bhe kapandeno Lahataꞌala.

Filipi 1:2

Sio-siomo napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

1 Tesalonika 1:4

Bhahitieꞌi nemoasiꞌaono Lahataꞌala, ingka tapandeꞌaanemo Lahataꞌala nopilikoomu.

2 Tesalonika 1:2

Sio-siomo napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.