Roma 1:28 - Muna Southern Dialect

²⁸ Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 1:28 Referans Kwoze

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Roma 1:24

Kanandooꞌanomo Lahataꞌala nofolapasadamo nokuasaida kapoindalondo daehabu podiu hamesa, sampe tadopokada-kadaelesaꞌaomo mbadhando sapada-pada andoa.

2 Timotius 3:8

Guru-guru andoa maitu doewangi kafoinaꞌu banara, tapedamo Yanes bhe Yambres doewangi Musa endefiꞌini. Fekihindo nodaimo, kaparasaeando miinamo nakofahalaaꞌa.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

1 Korintus 15:34

Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

Roma 1:18

Nomaiꞌao te surugaa Lahataꞌala nofotiwoha amahano ne sabhaha dhosa bhe habu modaindo manusia. Weo podiu modaindo desongkowi kabanara.

Efesus 5:4

Pedamo dua wamba hamesa, wamba ngkabhohe-bhohe, tawa wamba pokahaku, miina namantasia pugauaneomu, tamaka mefoampeomu katumpuno lalo ne Lahataꞌala.

Roma 1:26

Hampano diundo manusia peda naꞌa, Lahataꞌala nofolapasadamo ne nafusuu timoambanoꞌaono. Hobhineꞌi miinamo dapopoindalo bhe moꞌane peda kaneano tamaka dololiane kanea pata mantasiꞌano sampe dopomoo-moodofi sapada-pada hobhine.

2 Petrus 3:5

Andoa dofepuuꞌe dongahe datumandaiꞌe putae we dhamani wawono Lahataꞌala tanokobhoasao nonandoomo lani bhe dhunia, o dhunia nomaiꞌao ne oe bhe bhahi-bhahiꞌae ndumandoono dodadiꞌao oe.

Filemon 1:8

Dadiꞌanomo, peda seemie bhahitiemu weo Kristus, o idi sakotuꞌuno akohaku amahintangiko mehabu maraluuꞌano so nehabu.

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

Tula-tulando rasulu 17:32

Dofetingke kawanuꞌando mie mate, nandoo tadebheu bhe dofuta-futaaꞌie. Tamaka nandoo dua mugauno ambado, “Gao mani tametingke toha tana sepaku metula-tulaꞌao medano aitu.”

Tula-tulando rasulu 17:23

Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.