Roma 1:14 - Muna Southern Dialect

¹⁴ Kapaꞌamo idi ini teteweimo aefolele Bhihita Metaa, tapedamo mie kodosano. Akodosa naetaa ne bansano liwu koꞌadhatino, naetaa ne tapa koꞌadhatino, naetaa ne mie kosikolano, naetaa ne tapa kosikolano.

Roma 1:14 Referans Kwoze

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

2 Korintus 11:19

Ingka netaa mpuu mesabahakiomu mie bhohe, hampano abhi wutomiu mie mande.

Roma 16:19

Sabhaha mie dofetingkeemo bhihitano meangkaomu mpuu ⸤ ne Kristus⸥ , dadiꞌanomo nowulaangkoomu sepaliꞌa laloku. Gaoku mpuu mandeꞌaaneomu metaaꞌano, monggelaomu ne modaiꞌano.

Roma 13:8

Koise nompona kodosaomu ne mie bhaimiu, ampamo kaowu dosa sehondano ini: pomoa-moasiꞌaoꞌomu. Sasuka moasiꞌaono mie bhaino ingka nodhalangiemo bhahi-bhahiꞌae tubhono agama Yahudi.

Roma 8:12

Bhahitieꞌiku! Daanumo bhe takantoomu, tamaka suano taka so daꞌumondofaoꞌao mbadha kamanusianto, kapaꞌamo miinamo namaraluua damangkafi kapoindalono.

Roma 1:22

Doabhi wutondo dopandemo, gahaꞌaitumo dobhohe.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

2 Korintus 10:12

Daanumo miina taokado tamopesua wuto mani tawa tapototoꞌao wuto mani bhe mie sumangke-sangkeno wutondo. Ingka dobhohe sepaliꞌa, hampano deala tubho ne wutondo maka dopobandi-bandingiꞌao wutondo sapada-pada andoa.

1 Korintus 14:16

Kapaꞌamo ane sumambaheaꞌao kaowu nomaiꞌao ne alusumu, nada amai mie buꞌou mangkafino sambaheamu natumobhoosi “Amin” namada sambaheano katumpuno lalomu naꞌa? Ingka miina namandeꞌaanea o ae maꞌanano pugaumu naꞌa.

1 Korintus 14:11

Tamaka ane miina amandeꞌaane maꞌanano wamba nefetingkeku, mie aitu aabhiemo dua mie koliwuno tapa popandeꞌaono wamba, pedamo dua anoa ne idi.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

1 Korintus 2:13

Dadiꞌanomo ane tatalesao sabhaha giu pokaiꞌano bhe Rohino Lahataꞌala, tatalesaane ne mie toka tumahimano Rohino Lahataꞌala, miina taepake wambano kapande nepoguhuꞌao mani ne manusia, tamaka taepake wamba nepoguhuꞌao mani ne Rohino Lahataꞌala.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Tula-tulando rasulu 28:4

Miendo liwu mohano ule nekantai ne limano Paulus, dopugau sapada-pada andoa ambado, “O mie aini tantumo mie kumapongko-pongkono, mahingga nosalamatimo we teꞌi, tamaka dewa Bhoosiꞌaono habu modai pae namolapae nadumadia.”

Tula-tulando rasulu 28:2

Miendo liwuto aitu netaaꞌi sepaliꞌa lalondo ne insaodi. Andoa detampomo efi maka dosaliꞌi kainsami taehana hampano nokoꞌuse bhe nohindi.

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.