Powoha 9:11 - Muna Southern Dialect

¹¹ Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .

Powoha 9:11 Referans Kwoze

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Yohanes 16:11

Namoꞌinsafuanda dua kabhotusino Lahataꞌala, hampano Mowano Dhunia ⸤ maꞌanano Kafeompuꞌando seetani⸥ padamo nobhotusie.

Yohanes 14:30

Paemo naobhahia apuga-pugau bhe hintimiu, kapaꞌamo Mowano Dhunia ⸤ maꞌanano Kafeompuꞌando seetani⸥ nahumatomo. Tamaka anoa miina sepaliꞌa nakokuasa ne Idi.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Yohanes 5:19

Ingka dopandeꞌaanemo intaodiomu ini fehebuaꞌano Lahataꞌala, tamaka kosekaꞌewaꞌae dhunia ini nokuasaiꞌe Kafeompuꞌando seetani.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Lukas 8:31

Pada peda naꞌa seetani maitu desalomo ne Yesus koise natumududa damesua weo ola tapa kotompa.

Yohanes 5:2

We Yerusalem ne owano fointo bhalano koneaꞌano Kagualino Dhumba nandoo oe kaekadiuꞌa, weo wamba Ibrani dokonae Betesda. Oe aini doselie maka dowaliligiane tambi kafeoluꞌa lima onu.

Powoha 16:16

Sabhaha omputo anaꞌa dofohompuda ne seꞌonu liwu, weo wamba Ibrani dokonae Harmagedon.