Powoha 9:1 - Muna Southern Dialect

¹ Pada anaꞌa malaꞌekati kalidimano nobusomo duhuleleno, taꞌawohamo seꞌulu kulipopo toka mondawuno we dhunia. Kulipopo anaꞌa dowaꞌane kunsino ola tapa kotompano ⸤ kaeateꞌano mate⸥ .

Powoha 9:1 Referans Kwoze

Powoha 8:10

Malaꞌekati katotoluno nobusomo dua duhuleleno, tambaꞌomu nomaiꞌao te lani nondawumo seꞌulu kulipopo bhalano hende-hendeꞌano pasae kaꞌula, notabuhiki sekatolu dawuꞌa umele bhe matano oe we dhunia.

Powoha 9:2

Fointono olano mate naꞌa nolengkae, lasao nobhombola gawu pasae nomaiꞌao ne kaehampuꞌa bhalano, sampe oleo bhe kosekaꞌewaꞌae lani nohohondo hampano gawu maiꞌaono weo ola anaꞌa.

Roma 10:7

Koise dua nokoduku lalomu, ‘Naetaa daeꞌondofi mie so sumampuno we dhuniando mie mate’, (patudhuno dasumangke Kristus maiꞌao ne mate).”

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 20:1

Pada amaitu awohamo seemie malaꞌekati nosampu nomaiꞌao te surugaa, neinta-intaha kunsino olano mate pata kotompano, ne limano nandoo dua sehonda hante bhalano.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Lukas 8:31

Pada peda naꞌa seetani maitu desalomo ne Yesus koise natumududa damesua weo ola tapa kotompa.

Powoha 8:12

Pada aitu malaꞌekati kapopaano nobusomo dua duhuleleno, maka notihambi sekatolu dawuꞌa oleo, sekatolu dawuꞌa wula bhe sekatolu dawuꞌa kulipopo sampe sekatolu dawuꞌa tilangano nohohondomo. Dadiꞌanomo sekatolu dawuꞌa ole-oleo miina naentaleaꞌa, sekatolu dawuꞌa kohondoꞌa sedhuluꞌa kahohondono.

Powoha 8:2

Taꞌawohamo dua malaꞌekati pipituno meehe-eheno te wiseno Lahataꞌala, dowaꞌanda duhulele bhalano fitu pele.

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Lukas 10:18

Nopugaumo Yesus ambano, “Awoha Kafeompuꞌando seetani nondawu pasae bhibhito nomaiꞌao te lani.

Powoha 6:13

O kulipopo te lani nopondawuti we dhunia tapedamo katantano bhakeno foo ngkaamata nohundue kawea moꞌosa.

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.