Powoha 8:7 - Muna Southern Dialect

⁷ Malaꞌekati kabhao-bhaono nobuso duhuleleno maka nosampumo use ngkobhatu, oefi noposalo bhe hea, kosasawiꞌae naꞌa doꞌohoe we dhunia. Sekatolu dawuꞌa dhunia notitawu, pedamo dua itu sekatolu dawuꞌa sabhaha puꞌuno sau nongampu, bhe sabhaha kahoku moꞌuhino nopuli notihampuni.

Powoha 8:7 Referans Kwoze

Powoha 9:4

Kapunda andoa ini doꞌeleꞌaanda daedai-dai kahoku tawa kantisa tawa sabhaha puꞌuno sau, ampamo kaowu damekolea-leaꞌi manusia tapa mepakeno katandano Lahataꞌala ne kondaꞌindo.

Powoha 9:18

Sekatolu dawuꞌa manusia dotipongkoꞌao balaa tolu hondano ini, oefi, o gawu bhe waleha lumimbano ne wobhando adhaha naꞌa.

Powoha 9:15

Malaꞌekati popaano naꞌa dolensedamo, andoa ini dofontaa-ntaada somo dhamuno, oleono, wulano bhe taꞌumo anaꞌa, so damongkoꞌao sekatolu dawuꞌa manusia.

Powoha 16:21

Nondawumo use ngkobhatu nomaiꞌao te lani notabuhiki manusia; use ngkobhatu naꞌa pedaꞌidamo kontu sepoi-sepoi kabhieno napelima fulu kilo. Manusia dobhatataꞌiao Lahataꞌala hampano balaano use ngkobhatu amaitu notolau kabhibhiisano.

Powoha 16:2

Nokalamo malaꞌekati kabhao-bhaono nosungka mangkono we dhunia maka kosasawindo mie mepakeno katandano kadadi saꞌituini bhe sumombaino patungno, notumbuida kawisu modai mokompeahaꞌino.

Powoha 12:4

Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 6:8

Taꞌawohamo dua seꞌulu adhaha, wuluno nopupuda, mie sumawikie neano Mate, noangkafie dhuniano mate. Andoa dowaꞌanda kuasa ne sekafato dawuꞌa dhunia, miendo damongkoanda kampue, o gaba, o hopu bhe sabhaha kadadi fohumaano we dhunia.

1 Petrus 1:24

Kapaꞌamo ⸤ notibuhi weo Kitabi,⸥ “O manusia tapedamo kahoku, sabhaha kakalabhiano kanggetu kambeano kahoku, o kahoku noleleumo, kambeano notantamo.

Yakobus 1:11

Nofoni oleo bhe nosodo kaowu tilangano, kamba-kamba noleleumo, kambeano notantamo, kakesano nosalimo. Nadamo aitu mie hangkaea, naosali ne wunta-wuntano sabhaha kagiuno.

Powoha 7:1

Pada aitu awohamo malaꞌekati dopopaa deehe-ehe ne kofatosikuaꞌae dhunia maka dotaami kofatohondaꞌae kawea ne dhunia, keana bhe so miuno te wite, we teꞌi bhe ne puꞌuno sau.