Powoha 8:3 - Muna Southern Dialect

³ Tanohatomo dua seemie malaꞌekati neehe-ehe ne wiseno medha kaetunuꞌa dupa neintaha kaenteiꞌano dupa maiꞌao ne bulawa. Anoa dowaꞌane dupa nobhahi sepaliꞌa so namoampe naposaloane bhe sambaheando kosasawindo umati mongkilono. Bhahi-bhahiꞌae naꞌa namoampee te wawono medha bulawa ne wiseno kaengkohaꞌa kumalabhiano.

Powoha 8:3 Referans Kwoze

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.

Powoha 8:4

Gawuno dupa posaloꞌano bhe sambaheando umati mongkilo maitu tanokatowo-towomo maiꞌao ne limano malaꞌekati ampa ne wiseno Lahataꞌala.

Lukas 1:10

Tangasano notunu dupa naꞌa kosasawindo umati dohompu we simbali dosambahea we kadete.

Powoha 9:13

Malaꞌekati kanonoono nobusomo dua duhuleleno. Taꞌafetingkemo dua suaha nomaiꞌao ne kofatoꞌonuꞌae sikuano medha bulawa kaetunuꞌa dupa ne wiseno Lahataꞌala.

Ibrani 9:4

Weo Boloku Foliuno Kangkilo ini nandoo medha kaetunuꞌa dupa dohabue maiꞌao ne bulawa. Pada aitu nandoo dua sohongano podhandiꞌa, dodapoane sabula-bulawa. Weo sohonga aitu nandoo o nuꞌua bulawa, iꞌino o manna, o katukono Harun kotunaꞌano bhe haa tibha kontu ⸤ kaebuhiꞌa koompulu pahintano⸥ podhandiꞌano Lahataꞌala.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Powoha 7:2

Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.

Powoha 10:1

Awohamo dua seemie malaꞌekati kokuasano nosampu nomaiꞌao te surugaa. Pakeano o olu, fotuno nopangalibue toꞌue, ulano tapedamo oleo, bhe aꞌeno pasae kampana ngkamala-mala.

Powoha 8:5

Pada aitu malaꞌekati naꞌa noalamo kaenteiꞌano dupa, nofosingiꞌiane efi maiꞌao ne medha kaetunuꞌa dupa naꞌa maka noꞌohoe we dhunia. Lasao nokonduuha guntu, nokopisibhela, nokobhibhito noangkafie lualino wite.

Powoha 14:18

Gahaꞌa nomaimo toha seemie malaꞌekati sigaoꞌano, nomaiꞌao we medha kaetunuꞌa dupa. Anoa nokuasai efi. Malaꞌekati aini nokei nofekahaa-haaꞌi ne malaꞌekati meintahano kapulu mohokoꞌano saꞌituini ambano, “Fowawe kapulu kokanggaimu mohokoꞌano itu, timpuda bhakeno angguru we dhunia, kapaꞌamo dotaꞌamo.”