Powoha 7:16 - Muna Southern Dialect

¹⁶ Andoa paemo daoꞌahoa, paemo nakekele wuꞌundo, paemo nakumantibhada kasodono oleo.

Powoha 7:16 Referans Kwoze

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Powoha 21:4

Lahataꞌala namusuli luundo namopada-padae. O mate paemo nandumandooa, paemo dua bhe kaguguhu, kangkoꞌae tawa kakadee-dee, kapaꞌamo kosasawiꞌae ngkodauꞌano nopalusimo.”

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Lukas 6:21

Kodawua mpuu hintimiu moꞌahono ampa aitu, hampano mada kaowu damekaweꞌikoomu. Kodawua mpuu hintimiu moꞌaeno ampa aitu, hampano namada kaowu mutaaꞌomu.

Lukas 1:53

Mie moꞌaho nofekaweꞌianda sabhaha metaaꞌano, tamaka mie hangkaea notududa dakumala haa mbali limando.

Matius 13:6

Tamaka hato nopana oleo, tumbuno noleleumo maka nomate mbaꞌinomo pahakano miina nakumamaa.

Yakobus 1:11

Nofoni oleo bhe nosodo kaowu tilangano, kamba-kamba noleleumo, kambeano notantamo, kakesano nosalimo. Nadamo aitu mie hangkaea, naosali ne wunta-wuntano sabhaha kagiuno.

Markus 4:17

Ampamo kaowu bhoasao aitu miina nakopahakaa weo totono lalondo, sampe miina natumahaa. Sadeꞌawa kasabha bhahaꞌi kakadee-dee mbaꞌinomo doangkafi bhoasao aitu, lasao dohunsae kaparasaeando.

Markus 4:6

Tamaka hato nopana oleo, tumbuno noleleumo, lasao nomate, kapaꞌamo pahakano miina nakumamaa.

Matius 13:21

Ampamo kaowu bhoasao aitu miina nakopahakaa weo totono lalondo sampe miina natumahaa. Sadeꞌawa kasabhano tawa kakadee-dee mbaꞌinomo doangkafi bhoasao maitu, lasao dohunsa kaparasaeando.