Powoha 7:15 - Muna Southern Dialect

¹⁵ Dadiꞌanomo deehe-ehemo ne wiseno kaengkohaꞌa kumalabhiano Lahataꞌala bhe dofeompu ne Anoa mentae mohondo weo Lambuno Lahataꞌala. Mengkohano te kaengkohaꞌa kumalabhiano naꞌa napobhaianda bhe nakumaolumida.

Powoha 7:15 Referans Kwoze

Powoha 22:3

Paemo bhe so nekantibhano bhatatano Lahataꞌala. Kaengkohaꞌa kumalabhiano Lahataꞌala bhe Anano Dhumba nandumandoo weo kota amaitu maka palima-limano dameompu ne Anoa.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,

Powoha 13:6

Dadiꞌanomo kadadi anaꞌa nofonganga wobhano nofekaꞌaebumo Lahataꞌala, nofekandidiki neano, nofekaꞌaebu dua lambu kaeateꞌano Lahataꞌala bhe kosasawindo meateno te surugaa.

Powoha 21:22

Lambu mongkilo weo kota amaitu miina aohaea, hampano Ompu Lahataꞌala Fofoliuno Kuasa bhe Anano Dhumba maitu, andoamo lambu mongkilono.