Powoha 7:11 - Muna Southern Dialect

¹¹ Kosasawindo malaꞌekati deehe-ehe dolibu-libu kaengkohaꞌa kumalabhiano, kamungkulaꞌi, bhe mahaluku fato uluno maitu. Malaꞌekati andoa naꞌa dosudhu defodapa ne wiseno kaengkohaꞌa kumalabhiano maitu bhe dotaohao sombado ne Lahataꞌala.

Powoha 7:11 Referans Kwoze

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 4:6

Ne wiseno kaengkohaꞌa kumalabhiano naꞌa wohaꞌano nandoo bhe teꞌi peda paeasa bhalano, nohumaha pasae kristal. We wunta-wunta, dolibu-libu kaengkohaꞌa kumalabhiano naꞌa, bhe mahaluku dofato ulu, samata-mata te wisendo bhe we kundodo.

Powoha 11:16

Kamungkula haa fulu popaano mengkohano ne wiseno Lahataꞌala te wawono kaengkohaꞌando kumalabhiano, defodapa dotaohao sombado ne Lahataꞌala.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Ibrani 1:6

Wakutuuno nofopesua Anano titiisa we dhunia ini, nokobhoasao toha ambano, “Kosasawindo malaꞌekatiku tetewei datumaohao sombado ne Anoa.”

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Powoha 22:9

Tamaka anoa tanopugau ambano, “Koise nada itua! Idi ini palima-lima dua, nopototo bhe hintu bhe bhahitieꞌimu membalino ana-anabii bhe kosasawindo mie mangkafino sabhaha wambano kitabi aini. Taohao sombamu ne Lahataꞌala!”

Powoha 15:4

Laꞌae bhahaa so tapa moteꞌino ne Hintu Ompu? Laꞌae bhahaa so tapa mekakalabhiano neamu? Kapaꞌamo Hintumo kaowu mongkilono. Sabhaha bansano liwu damai datumaohao sombado ne Hintu, kapaꞌamo kabhotusimu umadhilino dowohaemo sabhaha mie.”

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”