Powoha 6:12 - Muna Southern Dialect

¹² Wakutuuno Anano Dhumba nolengka kafuluti kanomo iseno, taꞌawohamo nokadhadhiamo luali bhalano, oleo noꞌiꞌito pedamo kadu kaꞌito, o wula nodedea pedamo hea.

Powoha 6:12 Referans Kwoze

Matius 24:29

“Sapalusino kasabha anaꞌa oleo nahohondomo, wula paemo nakotilangaa, kulipopo dapondawuti damaiꞌao te lani bhe kosasawiꞌae waweno alamu naohungga.

Powoha 16:18

Tanokosilakamo dua bhibhito, pisibhela bhe guntu, tanonandoomo dua lualino wite mobhibhiisano. Luali medando anaꞌa miinaꞌo sepaliꞌa nakumadhadhia mpini pakanandoono manusia ne dhunia. Pedamo naꞌa kabhibhiisano luali amaitu.

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 8:5

Pada aitu malaꞌekati naꞌa noalamo kaenteiꞌano dupa, nofosingiꞌiane efi maiꞌao ne medha kaetunuꞌa dupa naꞌa maka noꞌohoe we dhunia. Lasao nokonduuha guntu, nokopisibhela, nokobhibhito noangkafie lualino wite.

Matius 24:7

Liwu dapoewangi bhe liwu, kakolakiꞌa dapoewangi bhe kakolakiꞌa. Neꞌamai-neꞌamai nandumandoo gaba bhe luali.

Markus 15:33

Noꞌindotu oleo kosekadieꞌae naꞌa nohohondomo ampa hambi tolu mata.

Matius 28:2

Gahaꞌa tambaꞌomo nandoo luali moꞌosa, mbaꞌinomo seemie malaꞌekatino Ompu nosampu nomaiꞌao te surugaa, nokala nodole kontu kasongkono kobuhu maka nengkoha te wawo.

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 27:45

Hambi ompulu haa mata pana oleo kosekadieꞌae naꞌa nodapoe kahohondo, ampa hambi tolu mata maꞌoleo.

Matius 11:21

Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ .

Powoha 8:12

Pada aitu malaꞌekati kapopaano nobusomo dua duhuleleno, maka notihambi sekatolu dawuꞌa oleo, sekatolu dawuꞌa wula bhe sekatolu dawuꞌa kulipopo sampe sekatolu dawuꞌa tilangano nohohondomo. Dadiꞌanomo sekatolu dawuꞌa ole-oleo miina naentaleaꞌa, sekatolu dawuꞌa kohondoꞌa sedhuluꞌa kahohondono.

Powoha 16:8

Malaꞌekati kapopaano nosungkamo mangkono te wawono oleo, maka o oleo dowaꞌane kapooli natumunu manusia sampe daodada.