Powoha 4:8 - Muna Southern Dialect

⁸ Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”

Powoha 4:8 Referans Kwoze

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Powoha 4:6

Ne wiseno kaengkohaꞌa kumalabhiano naꞌa wohaꞌano nandoo bhe teꞌi peda paeasa bhalano, nohumaha pasae kristal. We wunta-wunta, dolibu-libu kaengkohaꞌa kumalabhiano naꞌa, bhe mahaluku dofato ulu, samata-mata te wisendo bhe we kundodo.

Ibrani 13:8

Yesus Kristus sadaa-daaꞌe nopototo, endewi, oleo itu bhe ampa suhue dhamani.

Powoha 15:3

Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!

Powoha 11:17

Ambado, “Taefoampe katumpuno lalo ne Hintu Ompu Lahataꞌala Fofoliuno Kuasa, ndumandoono bhe toka ndumandoono, hampano Hintu pakeemo kuasamu bhalano, metandakimo pahinta peda Omputo.

Powoha 16:7

Afetingkemo dua suaha nomaiꞌao ne medha kaetunuꞌa dupa nopugau ambano, “Uumbe daanumo Hintu Ompu Lahataꞌala Fofoliuno Kuasa, kahukumu nefondawumu nobanara bhe noꞌadhili.”

Powoha 7:15

Dadiꞌanomo deehe-ehemo ne wiseno kaengkohaꞌa kumalabhiano Lahataꞌala bhe dofeompu ne Anoa mentae mohondo weo Lambuno Lahataꞌala. Mengkohano te kaengkohaꞌa kumalabhiano naꞌa napobhaianda bhe nakumaolumida.

Powoha 21:22

Lambu mongkilo weo kota amaitu miina aohaea, hampano Ompu Lahataꞌala Fofoliuno Kuasa bhe Anano Dhumba maitu, andoamo lambu mongkilono.

Powoha 19:15

Nomaiꞌao ne olotano wiwino nolimba semata kampue mohoko so natumaloꞌao sabhaha bansano liwu, maka namahintangida naepake katuko uti. Andoa nameoda nada angguru ne kantobha bhalano kaefeoꞌa angguru, kaꞌibahatinomo kapontalabhi-labhino amahano Lahataꞌala Fofoliuno Kuasa.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Powoha 1:4

Salam aini nomaiꞌao ne Yohanes so kofitu tombuꞌae umati we kadieno Asia. Sio-siomo sadhia napobhaiangkoomu kabarakati bhe katohopono dadi nomaiꞌao ne Anoa ndumandoono, toka ndumandoono bhe so humatono, bhe nomaiꞌao dua ne kofitu bansaꞌae Rohi ne wiseno kaengkohaꞌano kumalabhiano,

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Powoha 16:14

Andoamo maitu rohindo seetani mehabuno sabhaha tanda tapa mentela. Kototolundo dokalamo dofohompu sabhaha omputo ne dhunia so dapopahisaꞌao nahumato oleo bhalano, oleonomo Lahataꞌala Fofoliuno Kuasa.

Powoha 14:11

Gawuno efi sumikisaada naꞌa nakumatowo-towo kansuhu ampa suhue dhamani. Mentae mohondo pae bhe katiehea dasumikisaada, hampano dosombamo ne kadadi amaitu bhe patungno bhe dotahima katandano neano.”

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

1 Tesalonika 2:9

Bhahitieꞌi, tetewei nandoo dua feꞌulaiꞌeomu kaꞌosano taꞌulei bhe tafekawule-wule. Mentae mohondo takahadhaa taeꞌondofi kadadiꞌa mani keana taembali wowoꞌomiu, poowa taefoleleangkoomu Bhihita Metaa maiꞌaono ne Lahataꞌala.

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,

Powoha 5:6

Palusi amaitu awohamo dua ne wunta-wuntano kaengkohaꞌa kumalabhiano, dolibu-libue mahaluku fato uluno bhe kamungkulaꞌi maitu, neehe-ehe seꞌulu Anano Dhumba pasae padamo dosumbelee. Tanduno fitu pele, matano fitu onu, andoa maitu kofitu bansaꞌae Rohino Lahataꞌala netuduno dolili ne kosekaꞌewaꞌae dhunia.

Powoha 6:1

Pada amaitu awohamo Anano Dhumba nolengka kafuluti kabhao-bhaono maiꞌao ne kafuluti fitu iseno maitu, maka notifetingke suahano seꞌulu mahaluku maiꞌao ne mahaluku fato uluno naꞌa pasae guntu, ambano, “Maimo!”

Powoha 6:6

Tadua afetingkemo pasae suaha maiꞌao ne olotando mahaluku fato uluno maitu, ambano, “Olino sebaa pae ponambo seꞌoleo, olino tolu baa kahitela ponambo dua seꞌoleo, ampamo kaowu o mina bhe angguru koise dai-daiꞌeomua.”

Powoha 7:11

Kosasawindo malaꞌekati deehe-ehe dolibu-libu kaengkohaꞌa kumalabhiano, kamungkulaꞌi, bhe mahaluku fato uluno maitu. Malaꞌekati andoa naꞌa dosudhu defodapa ne wiseno kaengkohaꞌa kumalabhiano maitu bhe dotaohao sombado ne Lahataꞌala.

Powoha 14:3

Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.

Powoha 15:7

Seꞌulu mahaluku maiꞌaono ne mahaluku popaano naꞌa nowaꞌao malaꞌekati pipituno maitu fitu woka mangko bulawa noponoꞌao amahano Lahataꞌala dumadino ampa suhue dhamani.

Powoha 19:4

Kamungkula haa fulu popaano bhe mahaluku fato uluno maitu defodapa dotaohao sombado ne Lahataꞌala mengkohano ne kaengkohaꞌa kumalabhiano bhe dopugau ambado, “Amin, Haleluya.”