Powoha 3:3 - Muna Southern Dialect

³ Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Powoha 3:3 Referans Kwoze

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

1 Tesalonika 5:2

Ingka pandeꞌaanemoomu mpuu oleo kahatoꞌano Ompu nada seemie kasoꞌo nomai kohondoꞌa.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”

Ibrani 2:1

Dadiꞌanomo intaodiomu tabeano sedhuluꞌa damintahakie kafoinaꞌu toka nefetingkentoomu, bhahasaa nowowoꞌo kaita solo.

1 Timotius 6:20

Hintu, Timotius, dhagani metaaꞌe kafoinaꞌu toka neposahunaꞌao ne hintu. Fekakodoꞌo wutomu ne sabhaha pugau tapa kofahalaa bhe tapa mongkilo. Fekakodoꞌoe dua wutomu ne mie potaga-tagaliꞌaono nekonando kapande, gahaꞌa suano.

Markus 13:36

Ane nasehatoꞌa kolambuno, kodhagaomu bhahaa nohafotikoomu tangasano moodoomu.

Markus 13:33

“Dadiꞌanomo posiꞌondoomu! Kodhagaomu, kapaꞌamo miina mandeꞌaaneomu naefie nahumato tempono.

Powoha 3:19

Sasuka nemoasiꞌaoku atumangahie bhe ahumukumue; dadiꞌanomo fodadiomu lalomiu bhe fetompaꞌao podiu modaimiu.

2 Petrus 3:1

Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

Powoha 3:11

Idi apikimaimo. Fintahakiomu toka netahimamiu, keana pae bhe mie so malano kawaꞌaondo fotalono so netahimamiu.

Powoha 2:25

Ampamo kaowu o ae toka netahimamiu, fintahakieꞌomu ampa ahumato.

2 Petrus 1:13

Kaomponano paeꞌo ahumunsa mbadha kasaraku ini, aabhiemo dua takaku sadhia ameꞌulaiangkoeꞌomu bhahi-bhahiꞌae ini.

2 Timotius 1:13

Fintahakie sabhaha nefetingkemu ne idi, sandahanomo kafoinaꞌu metaa. Dhalangie weo kaparasaeamu bhe kanini kaasimu hampano kaseꞌisemu bhe Kristus Yesus.

Powoha 3:2

Wanuꞌo toha, fekatangkae ndumandooꞌano tinangke miinaꞌo namate, kapaꞌamo apandeꞌaanemo miina bhe kahadhaamiu sumangkaꞌano ne wiseno Lahataꞌala.

Powoha 22:7

⸤ Ambano Yesus⸥ “Tandaiꞌeomu! Apikimaimo. Dokodawua mpuu mie mangkafino sabhaha nekosuahaꞌaono anabii tibuhino weo kitabi aini.”