Powoha 3:18 - Muna Southern Dialect

¹⁸ Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Powoha 3:18 Referans Kwoze

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

Powoha 19:8

So pakeano dowaꞌane kai kapute moꞌalusu, nonggela bhe nokosilo.” (Kai alusu maitu kaꞌibahatino sabhaha habu metaando umati mongkilono).

Powoha 7:13

Seemie maiꞌao ne olotando kamungkulaꞌi maitu nofeena kanau ambano, “Ndo laꞌae bhahaa mepakeno dhuba kapute maitu bhe domaiꞌao ne amai?”

Matius 13:44

“Kafopahintaꞌano Lahataꞌala tapedamo dua arataa tikantanono te kaampo. Gahaꞌa nandoo seemie umawae, maka suli nokantanoe. Kaꞌosano kaꞌiano nokalamo noasopi kosasawiꞌae kanandoono maka noꞌoli kaampo anaꞌa.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

2 Korintus 5:3

Ane nada naꞌa alusunto bhemo ⸤ mbadha buꞌouno, tapedamo⸥ pakea buꞌou, dadi paemo dakalembi-lembia.

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

Matius 25:9

Tamaka kalambe mandeno tadotobhoosi, ‘Paise, bhahaa pae nakumapo so wuto mani bhe so hintimiu. Labhiꞌano kala meꞌoliomu we mahaasono.’

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.