Powoha 3:11 - Muna Southern Dialect

¹¹ Idi apikimaimo. Fintahakiomu toka netahimamiu, keana pae bhe mie so malano kawaꞌaondo fotalono so netahimamiu.

Powoha 3:11 Referans Kwoze

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Powoha 22:12

⸤ Ambano Yesus⸥ “Tandaiꞌeomu! Apikimaimo. Aewowoꞌo ponambo so manusia naposahataa bhe habundo seemie-seemie.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:25

Ampamo kaowu o ae toka netahimamiu, fintahakieꞌomu ampa ahumato.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

2 Timotius 2:5

Seemie meangkafino pogoloꞌa dotende, pae naeꞌawa kawaꞌao nefontaa-ntaa so fotalono, ane pae namangkafi sabhaha atorano potandingiꞌa.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!

Powoha 1:3

Dokodawua mpuu mebasano wamba nekosuahaꞌaono anabii aini, dokodawua dua mie metingkeno bhe mangkafino tibuhino weo kitabi aini, kapaꞌamo tempono ⸤ nakumadhadhia⸥ nomaꞌomo.

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

1 Korintus 9:25

Sasuka mie so meangkafino potandingiꞌa tabeano nokane-kanea mbadhano bhe nopooli nofewanaki totono lalono. Aini dodhalangie so kaowu daeꞌawaꞌao kawaꞌao so fotalono, ingka o kataheno kamba-kamba pikimoleuno. Tamaka intaodiomu dodhalangi bhahi-bhahiꞌae naꞌa so daeꞌawaꞌao kawaꞌao so pata molooleuno ampa suhue dhamani.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 22:7

⸤ Ambano Yesus⸥ “Tandaiꞌeomu! Apikimaimo. Dokodawua mpuu mie mangkafino sabhaha nekosuahaꞌaono anabii tibuhino weo kitabi aini.”

Yakobus 5:9

Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.

Filipi 4:5

Naetaa kamaluno lalomiu damandeꞌaane sabhaha mie, kapaꞌamo Ompu nomaꞌomo nahumatoa.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”