Powoha 22:17 - Muna Southern Dialect

¹⁷ Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.

Powoha 22:17 Referans Kwoze

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Yohanes 7:37

Ne oleo kapuliaono hohaeaꞌa naꞌa, matanomo hohaeaꞌa, Yesus noehemo bhe nopugau nofekabhala-bhala suahano, “Sasuka mokekeleno wuꞌu naetaa namai ne Idi maka naohoꞌu!

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”

Powoha 21:2

Awohamo dua kota mongkilo, Yerusalem buꞌou, nosampu nomaiꞌao te surugaa, nomaiꞌao ne Lahataꞌala. Kota amaitu padamo dolegasie pasae loꞌia buꞌou hobhine napoꞌawaꞌao moꞌaneno.

Roma 3:24

Hampanomo kaowu rahamatino Lahataꞌala, manusia notahimada Lahataꞌala peda mie banara noangka ne Kristus Yesus fobebasino. Rahamati aini o kawaꞌao pata koꞌoli.

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

1 Korintus 2:12

Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

Yohanes 4:29

Ambano “Mai ondoomu, ne tatu nandoo seemie nofohato kanau sabhaha nehabuku. Bhahaa Anoamo maitu Mesias, Omputo Fosalamatino?”

Yohanes 4:11

Ambano toha hobhine amaitu, “Waompu, maiane dua ne amai oe meowano dadi naꞌa? Ingka miina kotambua, pakade sumu aini nendalo.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”

Powoha 14:13

Afetingkemo dua suaha nomaiꞌao te surugaa ambano, “Buhie! Dokodawua mpuu mie mateno seꞌiseno bhe Ompu notanda ampa aitu.” Ambano Rohino Lahataꞌala, “Uumbe daanumo. Andoa damewuleꞌao kahadhaa moꞌosando, hampano sabhaha podiu metaa naposabhangkaanda.”

Yohanes 1:37

Dofetingke pugauno Yohanes, anaguhuno hoduano maitu lasao dokala doangkafi Yesus.