Powoha 22:15 - Muna Southern Dialect

¹⁵ Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.

Powoha 22:15 Referans Kwoze

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Filipi 3:2

Kodhagaomu ne mie mehabuno modaino, kodhagaomu ne daꞌu andoa maitu, patudhundo dafofosuhu daesuna, gahaꞌa detoto kaowu ulundo mie.

Powoha 21:27

Tamaka pae bhe giu moharamu so mesuaꞌano weo kota, tawa mie mehabuno timohakuno, tawa mie kopahano, mpahinomo andoa tibuhino nea weo Kitabindo Mie Dumadi, kitabinomo Anano Dhumba.

Kolose 3:6

Kosasawiꞌae itu saneamo meowano amahano Lahataꞌala ne mie tapa meangkano.

Powoha 18:23

Tilangano kantalea paemo natiwohaa weo kotamu; suahando loꞌia buꞌou namoꞌane nahobhine paemo dua natifetingkea. Podagano meatefiko sanea kabhalano dhunia, sabhaha bansano liwu fekakolilinoanda sihirimu.”

Tula-tulando rasulu 8:11

Andoa dofetingke pugauno hampano nomponamo nofobuagaanda pasingara nehabuno maitu.

Matius 8:12

Tamaka so talaꞌano mie membalino umatino Lahataꞌala ⸤ miendo Israel, awuaꞌino Abraham⸥ , daꞌumohofida weo doloma mposo. Ne naꞌa taꞌo kangkoꞌae bhe kuꞌino wangka.”

Yohanes 8:46

Laꞌae bhahaa ne olotamiu itu so mefotiwohano bukutii putae Idi ini aehabu dhosa? Ane afohatoangkoomu kabanara, noafa miina marasaeaꞌomu ne Idi?

Matius 7:6

“Bara mongkilo koise waꞌane daꞌu, bhahaa nosuli nokokapeko. Muntiamu koise ohoane wewi, bhahaa nopokafindaꞌiane.”

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.