Powoha 21:6 - Muna Southern Dialect

⁶ Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Powoha 21:6 Referans Kwoze

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Roma 3:24

Hampanomo kaowu rahamatino Lahataꞌala, manusia notahimada Lahataꞌala peda mie banara noangka ne Kristus Yesus fobebasino. Rahamati aini o kawaꞌao pata koꞌoli.

Powoha 22:13

Idimo ini Alfa bhe Omega, Maꞌinduluno bhe Mbuhumaino, Kabhao-bhaono bhe Kafetompaino.

Powoha 16:17

Palusi aitu malaꞌekati kapipituno nosungkamo mangkono te antara. Gahaꞌa tanotifetingkemo suaha nomaiꞌao ne kaengkohaꞌa kumalabhiano weo Boloku Mongkilo, nohaaꞌi sepaliꞌa ambano, “Nopalusimo!”

Powoha 1:17

Saꞌawohae, lasao aefodapa ne aꞌeno tapedamo mie mate, tamaka Anoa tanotei limano suanano te wawoku bhe nopugau ambano, “Koise moteꞌia! Idimo ini kabhao-bhaono bhe kafetompaino.

1 Korintus 2:12

Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

Powoha 10:6

Anoa notunda nosambili Dumadino suhue dhamani, mokonandoono lani bhe sabhaha iꞌino, mokonandoono dhunia bhe sabhaha iꞌino, mokonandoono dua teꞌi bhe sabhaha iꞌino, ambano, “Paemo damodhuluea tempono.

1 Korintus 3:12

Taneatemo ne mie mefoeheno lambu te wawono sandi amaitu, naepakeane bulawa tawa o salaka, o kontu moinda tawa o sau, o dana tawa o hoono ai.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

1 Korintus 3:21

Dadiꞌanomo koe bhe mesangke-sangkeno manusia bhaino, kapaꞌamo bhahi-bhahiꞌae ingka saneamo fehebuaꞌamiu.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

Yohanes 4:11

Ambano toha hobhine amaitu, “Waompu, maiane dua ne amai oe meowano dadi naꞌa? Ingka miina kotambua, pakade sumu aini nendalo.

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.