Powoha 21:5 - Muna Southern Dialect

⁵ Mengkohano te kaengkohaꞌano omputo nopugau ambano, “Kosasawiꞌae apahabuꞌounie!” Ambano dua, “Buhie, kapaꞌamo sabhaha bhoasao aini notiparasaea bhe nobanara!”

Powoha 21:5 Referans Kwoze

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Powoha 19:9

Pada aitu nopugaumo ⸤ malaꞌekati naꞌa⸥ ne idi, “Buhie nada ini: dokodawua mpuu mie tibhasino ne kagaano Anano Dhumba.” Ambano dua, “Wamba aini nokotuꞌu, sanea bhoasaono Lahataꞌala.”

Powoha 22:6

Pada anaꞌa nopugaumo malaꞌekati amaitu ambano, “Sabhaha bhoasao aini notiparasaea bhe nobanara. Ompu Lahataꞌala maꞌaono Rohino ne ana-anabii, notudumo malaꞌekatino namotiwoha ne palima-limaꞌino o ae tetewei so kumadhadhiaꞌano mehimba.”

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Powoha 4:2

Lasao nokabhinti kanau Rohino Lahataꞌala, gahaꞌa awohamo nandoo seꞌonu kaengkohaꞌano omputo kumalabhiano te surugaa. Kaengkohaꞌa maitu bhe Mengkohafie.

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,

Powoha 1:19

Dadiꞌanomo buhie newohamu ini, naetaa kumadhadhiaꞌano aitu naetaa so kumadhadhiaꞌano mada kaowu.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 5:1

Pada anaꞌa awohamo selulu kitabi nointahaane suanano Mengkohano ne kaengkohaꞌa kumalabhiano maitu. Kaluluno kitabi anaꞌa nokokabuhi kohaawetaꞌae bhe dofulutiane bhindahi fitu kafuluti.

Ibrani 12:27

Wamba “tana sepaku” maitu ingka nokomaꞌana putae sabhaha nefokonandoo tifoguguno damosalie, neanomo tapa tifoguguno somo meateꞌano.

Powoha 22:19

Ane bhe mie so kumuhangino suahano anabii tibuhino weo kitabi aini, Lahataꞌala namala dawuno ne bhakeno sau meowano dadi bhe ne kota mongkilo, pedamo tibuhino weo kitabi aini.”

Lukas 5:38

Dadiꞌanomo angguru buꞌou tabeano doteiꞌe ne kaenteiꞌa buꞌou.