Powoha 21:4 - Muna Southern Dialect

⁴ Lahataꞌala namusuli luundo namopada-padae. O mate paemo nandumandooa, paemo dua bhe kaguguhu, kangkoꞌae tawa kakadee-dee, kapaꞌamo kosasawiꞌae ngkodauꞌano nopalusimo.”

Powoha 21:4 Referans Kwoze

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”

1 Korintus 15:26

Kaewa kapu-kapuliaono so nefobinasano ingka o mate.

1 Yohanes 2:17

Dhunia bhe sabhaha kanandoono nepoindalono manusia dhulu kasali, tamaka mie mangkafino kapoindalono Lahataꞌala nadumadi suhue dhamani.

Matius 24:35

O lani bhe dhunia naosali, tamaka wambaku ini pae bhe kasalia.

Powoha 21:1

Pada amaitu awohamo lani buꞌou bhe dhunia buꞌou, kapaꞌamo lani bhe dhunia kabhao-bhaono nopalusimo. O teꞌi nomiinaemo dua.

Powoha 20:14

Pada aitu o mate bhe dhuniano mate doꞌohoda weo kantobhano efi bhalano. Anoamo maitu mate kahaa pakuno.

Powoha 22:3

Paemo bhe so nekantibhano bhatatano Lahataꞌala. Kaengkohaꞌa kumalabhiano Lahataꞌala bhe Anano Dhumba nandumandoo weo kota amaitu maka palima-limano dameompu ne Anoa.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

1 Korintus 7:31

bhe mie mepakeno kanandoono dhunia ini dadumadi kao-kaomo miina datitapu ne kanandoo anaꞌa. Kapaꞌamo dhuniantoomu ampa aini kaowu naosalimo.

2 Korintus 6:17

“Dadiꞌanomo, bhoasaono Ompu, limbaomu maiꞌao ne olotando itu, gaatiomu wutomiu maiꞌao ne andoa itu; koemo medampasiomu giu timohakuno, maka atumahimakoomu.”

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Ibrani 12:27

Wamba “tana sepaku” maitu ingka nokomaꞌana putae sabhaha nefokonandoo tifoguguno damosalie, neanomo tapa tifoguguno somo meateꞌano.

Powoha 20:13

O teꞌi noowa mie komate-mateno weo teꞌi; pedamo dua o mate bhe dhuniano mate doowa miendo mateno, maka seemie-seemie dobhotusida noposahataa bhe habundo.