Powoha 21:23 - Muna Southern Dialect

²³ Kota amaitu miina naefaraluua wula bhe oleo so mekantaleaꞌe, kapaꞌamo nofekantaleaꞌe kakalabhiano Lahataꞌala, Anano Dhumba nembalimo kantaleano.

Powoha 21:23 Referans Kwoze

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.

Powoha 21:11

Kota amaitu nentaleaꞌao kakalabhiano Lahataꞌala, tilangano tapedamo kontu moinda foliuno kakesa, tapedamo kontu baidhuri nohumaha pasae kristal.

Yohanes 1:9

Tilanga amaitu tilanga sakotuꞌuno, nahumatomo we dhunia somo tumilano kosasawindo manusia.

Powoha 18:1

Pada amaitu awohamo dua malaꞌekati sigaoꞌano nosampu nomaiꞌao te surugaa. Anoa nobhala sepaliꞌa kuasano, dhunia tanentaleamo hampano kakalabhiano.

Lukas 2:32

Anoamo ini tapedamo tilanga umulawino sabhaha bansano liwu, somo dua meowano kakalabhia ne umatimu Israel.”

Powoha 21:25

Kagualino kota pae sepaliꞌa natiꞌontoa suhue oleo, kapaꞌamo ne itu paemo bhe kohondoꞌa.

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 1:4

Bhoasao amaitu kamaiꞌaoꞌano dadi, dadimo amaitu meowano tilanga mbali manusia.

Tula-tulando rasulu 22:11

Idi miinamo afowohaa hampano kasombano mataku ne tilanga saꞌituini, habutuno tadotonda kanau sabhangkaꞌiku, maka tapansuhu we Damsyik.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Powoha 5:6

Palusi amaitu awohamo dua ne wunta-wuntano kaengkohaꞌa kumalabhiano, dolibu-libue mahaluku fato uluno bhe kamungkulaꞌi maitu, neehe-ehe seꞌulu Anano Dhumba pasae padamo dosumbelee. Tanduno fitu pele, matano fitu onu, andoa maitu kofitu bansaꞌae Rohino Lahataꞌala netuduno dolili ne kosekaꞌewaꞌae dhunia.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.