Powoha 20:4 - Muna Southern Dialect

⁴ Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.

Powoha 20:4 Referans Kwoze

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Powoha 20:6

Dokodawua bhe dongkilo mpuu meꞌawano kadawu ne kawanuꞌando mie mate kabhao-bhaono naꞌa. O mate kahaa pakuno paemo nakokuasa ne andoa, tamaka daembali imamuno Lahataꞌala bhe Kristus, bhe damahinta nada omputo nasehewu taꞌu kaomponano.

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Powoha 15:2

Awoha dua teꞌi peda paeasa bhalano noposalo bhe efi. Ne wiwino teꞌi naꞌa deehe-ehemo mie tumalono kadadi saꞌituini, patungno bhe kaꞌeapino neano. Andoa deinta-intaha kusapi kawaꞌaono Lahataꞌala.

Powoha 14:11

Gawuno efi sumikisaada naꞌa nakumatowo-towo kansuhu ampa suhue dhamani. Mentae mohondo pae bhe katiehea dasumikisaada, hampano dosombamo ne kadadi amaitu bhe patungno bhe dotahima katandano neano.”

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 11:11

Nopalusi tolu oleo sekaꞌindotu nopesuakidamo inawa nomaiꞌao ne Lahataꞌala sampe dowanu maiꞌao ne mate lasao doehe. Kosasawindo mie mohada notolau kateꞌindo.

Powoha 11:3

Kaowu Idi amokuasamo dahodua sakusiiku dakosuaha nada anabii bhe daepake kadu ⸤ tandano kaguguhu⸥ nasehewu haa moꞌono nomo fulu oleo kaomponano.”

Roma 11:15

Kapaꞌamo sanginomo nokukundoda Lahataꞌala neowamo pometaano Lahataꞌala bhe dhunia ini, mangke-mangkemo ane natumahimada Lahataꞌala. Ingka tanapototomo bhe mie mate suli dodadi!

Lukas 1:17

Anoa namaꞌinduluki Ompu, rohino bhe kuasano napototo bhe anabii Elia. Namodoli lalondo kamungkula ne anaꞌindo bhe namodoli totono lalondo mie pata meangkano ne fekihindo mie banara. Nadamo naꞌa naefontaa-ntaa umati mantasiꞌano so tumahimano Ompu.”

Markus 9:11

Pada anaꞌa dofeenamo ne Yesus ambado, “Noafa gahaꞌa ambado pande-pande Kitabi, anabii Elia so maino wawo?”

Markus 6:27

Herodes lasao netudu seemie dhagano kamali nakumala namala fotuno Yohanes Fokadiuno. Mie aitu nokalamo we katohongku,

Markus 6:16

Nofetingke peda naꞌa, Herodes nopugaumo, “Suano, mie anaꞌa teteweimo Yohanes Fokadiuno. Anoa itu padamo atompee wuꞌuno, gahaꞌa nodadimo toha!”

Matius 24:10

Dabhahi so humunsano kaparasaeando, daposungku-sungkuꞌao ne kokuasano bhe dapobansi-bansi.

Lukas 14:14

Ane nada naꞌa hintu kodawua mpuu, kapaꞌamo andoa maitu miina bhe ae-aenondoa so kabhoosino habu metaamu. Habu metaamu naꞌa nabholosiangkoe Lahataꞌala nahumato kawanuꞌando mie banara maiꞌao ne mate.”

Powoha 1:2

Dadiꞌanomo ne ini Yohanes nosakusiiꞌaomo sabhaha newohano: bhoasaono Lahataꞌala bhe kafohatono Yesus Kristus.

Powoha 2:26

Sasuka fotalono bhe dhumalangino kapoindaloku ampa kapuliaono, amaꞌane kuasa namahintangi sabhaha bansano liwu.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 7:3

ambano, “Kadeki dai-daidaomu wite, teꞌi tawa puꞌuno sau ane palima-limano Lahataꞌalantoomu paeꞌo takumatandada ne kondaꞌindo.”