Powoha 2:24 - Muna Southern Dialect

²⁴ Ampamo kaowu hintimiu miendo Tiatira sigaoꞌano itu, tapa mangkafino kafoinaꞌu bhe tapa moguhuꞌaono nekonando lofotano Kafeompuꞌando seetani maitu, amohatokoomu: paise amotongkuangkoomu wowoꞌo sigaoꞌano.

Powoha 2:24 Referans Kwoze

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Korintus 2:11

Kahabuꞌaku peda naꞌa neanomo Kafeompuꞌando seetani paise naeala kasalawa nafokuasai, ingka dopandeꞌaanemo mpuu patudhu modaino.

Tula-tulando rasulu 15:28

Rohino Lahataꞌala bhe insaodi tasepatudhu tabhotusie koemo dofotongkuangkoomu wowoꞌo mobhie. So nesodamiu ampamo kaowu maraluuꞌano ini:

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

1 Korintus 2:10

Tamaka ne intaodiomu Lahataꞌala padamo nofohato kaitae noangka ne Rohino. Rohino Lahataꞌala ingka nolosangi bhahi-bhahiꞌae, mahingga patudhuno Lahataꞌala tifebuniꞌano sepaliꞌa.

Tula-tulando rasulu 16:14

Ne olotando metingkeno nandoo seemie hobhine koneaꞌano Lidia. Anoa nomaiꞌao we kotano Tiatira, nopodagaꞌao kai wungo. Anoa ini noteꞌi dua ne Lahataꞌala. Ompu nolengka totono lalono sampe pugauno Paulus notahimae.

Yakobus 3:15

Kakotimbangi pedando naꞌa suano maiꞌaono te surugaa, tamaka nomaiꞌao ne dhunia, ne nafusuundo manusia, bhe ne seetani.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 2:18

“Buhie dua so malaꞌekatino umati we Tiatira: pedamo aini kaowilino Anano Lahataꞌala, matano pasae hendeno efi, aꞌeno tapedamo tambaga ngkamala-mala.