Powoha 18:2 - Muna Southern Dialect

² Malaꞌekati amaitu nokei nefekahaaꞌi suahano ambano, “Nosansamo, nosansamo kota bhalano Babel. Kota amaitu nembalimo kaeateꞌando rohi modai, kafeoluꞌando seetani, kaꞌukoꞌando sabhaha kaꞌuhi moharamu bhe timohakuno.

Powoha 18:2 Referans Kwoze

Powoha 14:8

Notuluemo dua malaꞌekati kahoduano nopugau ambano, “Nosansamo, nosansamo Babel kota bhalano maitu, mekalolanuno sabhaha bansano liwu hampano nofefohoꞌutianda angguruno nafusuu modai pokawite-wite.”

Powoha 18:21

Pada aitu seemie malaꞌekati moꞌosano nesangkemo kontu peda kagili bhalano maka noꞌohoe we teꞌi bhe nopugau ambano, “Nadamo amaitu kota bhalano Babel dahumambitaꞌiane we panda maka paemo sepaliꞌa dapoꞌawaanea.

Powoha 18:10

Andoa daeehe-ehe we mokodoꞌoꞌano hampano daoteꞌi bhahaa nakumantibhada dua balaano kasikisaano. Andoa dapugau, “Balaamo, balaamo hintu kota bhalano, hintu Babel kota moꞌosa, hampano sedhamu kaowu kahukumumu nokangkanaiko.”

Powoha 17:18

Hobhine newohamu itu, maꞌanano kota bhalano mahintanginomo sabhaha omputo ne dhunia ini.”

Powoha 17:5

Ne kondaꞌino notibuhi nea tifebuniꞌano maꞌana, Babel bhalano, inandomo sabhaha karambole bhe kamaiꞌaoꞌano sabhaha diu timolampi ne dhunia ini.

Powoha 16:19

Kota bhalano maitu nobhongka nofetoludawue, kotando sabhaha bansano liwu nopuli nosansa. Lahataꞌala nofeꞌulaimo Babel kota bhalano maitu, maka nowaꞌane nofohoꞌu angguru ne kampohoꞌuꞌano, kaꞌibahatino kapontalabhi-labhino amahano Lahataꞌala.

Powoha 16:13

Taꞌawohamo dua rohi modai dototolu pasaꞌida kahaka dolimba maiꞌao ne wobhano naga, ne wobhano kadadi bhe ne wobhano mpahaana-anabiino.

Powoha 14:15

Nolimbamo seemie malaꞌekati sigaoꞌano nomaiꞌao weo Lambuno Lahataꞌala nokei nofekahaa-haaꞌi ne Mengkoha-ngkohano te olu ngkapute naꞌa ambano, “Fowawemo kapulu kokanggaimu itu, tobheemo, nohatomo tempono tobheꞌa, kapaꞌamo so netobhe we dhunia nokunimo.”

Powoha 10:3

Pada anaꞌa nokei nofekahaa-haaꞌi pedamo kangaano singa. Pada nokei dotobhoosie suahano guntu fitu nduu.

Powoha 5:2

Awohamo dua seemie malaꞌekati kokuasano maka nokei fekahaa-haaꞌi ambano, “Laꞌae bhahaa so mantasino lumengkano kaluluno kitabi aini bhe so malino kafulutino?”

Powoha 1:15

Aꞌeno nokonginda peda tambaga ngkamala-mala weo efi, suahano pasae guhuntumano luano oe bhalano.

Powoha 11:8

Maeatindo tanaendole-ndolemo ne kabhongka we kota bhalano. Nea kaꞌibahatino kota anaꞌa Sodom bhe Mesir, kota aitumo dua katikantaiꞌano Ompundo te sau salipu.