Powoha 17:3 - Muna Southern Dialect

³ Pada anaꞌa nokabhinti kanaumo Rohino Lahataꞌala maka nowowoꞌo kanau we pandaso bhalano. Ne itu awohamo seemie hobhine nengkoha-ngkoha te wawono seꞌulu kadadi, waranaano o kadea lalo moꞌito. Uluno kadadi anaꞌa noponoꞌao nea mekaꞌaebuno Lahataꞌala; fotuno fitu pongke, tanduno ompulu pele.

Powoha 17:3 Referans Kwoze

Powoha 12:3

Tanotiwohamo dua tanda timenteꞌaono sigaoꞌano te lani: seꞌulu naga bhalano nodea lalo moꞌito, fotuno fitu pongke, tanduno ompulu pele, te wawono fotuno nandoo songkono omputo fitu woka.

Powoha 17:18

Hobhine newohamu itu, maꞌanano kota bhalano mahintanginomo sabhaha omputo ne dhunia ini.”

Powoha 12:6

Hobhine anaꞌa nofilei we pandaso bhalano, ne kaeateꞌa toka nefontaa-ntaano Lahataꞌala so anoa. Ne watu dadumambaꞌaane nasehewu haa moꞌono nomo fulu oleo kaomponano.

Powoha 17:4

Pakeano hobhine anaꞌa o wungo bhe kadea lalo moꞌito, wutono dolegasiane bulawa, kontu moinda bhe muntia. Ne limano neinta-intaha sewoka kampohoꞌuꞌa bulawa noponoꞌao sabhaha giu timolampi bhe pokahaku, pehapino dadi pokawite-witeno.

Powoha 12:14

Hobhine aitu dowaꞌane panino bhoa bhalano so nalumolaꞌao te kaeateꞌano te pandaso bhalano. Ne itu dadumambaꞌaane natolu taꞌu setanga kaomponano, nakodoꞌo bhe ule anaꞌa.

Powoha 21:10

Pada anaꞌa nokabhinti kanau Rohino Lahataꞌala maka malaꞌekati maitu noowa kanau te wawono kabhawo bhalano bhe melangkeno. Ne itu nofotiwoha kanaumo kota mongkilo, kotano Yerusalem, sumampuꞌano maiꞌao te surugaa, maiꞌaono ne Lahataꞌala.

2 Tesalonika 2:4

Anoa ini mewangino Lahataꞌala, namekalangke wutono te wawono sabhaha nekonando ompu bhe nesombaindo manusia. Bhahamoa sampe naengkoha weo Lambuno Lahataꞌala maka nakumona wutono Lahataꞌala ne wisendo mie bhahi.

Powoha 1:10

Ne oleono Ompu nokabhinti kanau Rohino Lahataꞌala maka nomaiꞌao we kundoku afetingke suaha nondii sepaliꞌa tapedamo duhulele bhalano.

Powoha 4:2

Lasao nokabhinti kanau Rohino Lahataꞌala, gahaꞌa awohamo nandoo seꞌonu kaengkohaꞌano omputo kumalabhiano te surugaa. Kaengkohaꞌa maitu bhe Mengkohafie.

Tula-tulando rasulu 8:39

Dofoni domaiꞌao weo oe, Filipus tambaꞌomo nosangkee Rohino Ompu sampe miinamo naohaea kabhala maiꞌaono we Etiopia maitu, tamaka weo kawulano lalono nofopansuhumo kala-kalano.

Matius 27:28

Pakeano dolembie, maka dofokanaane dhuba wungo, ⸤ pakeando kolaki⸥ .

Powoha 18:12

Pahaasondo naꞌa o bulawa, salaka, kontu moinda, muntia, kai kapute moꞌalusu, kai wungo, pasele bhe kai kadea lalo moꞌito, sabhaha bansano sau mowondu, sabhaha katoka maiꞌao ne tandu mopute, sabhaha katoka maiꞌao ne sau moꞌali, tambaga, uti bhe kontu mopute,

Powoha 18:16

Andoa dapugau ambado, “Balaamo, balaamo hintu kota bhalano mepakeno kai kapute moꞌalusu, kai wungo bhe kai kadea lalo moꞌito, nelegasiꞌao bulawa, kontu moinda bhe muntia,