Powoha 17:15 - Muna Southern Dialect

¹⁵ Nopugaumo dua malaꞌekati naꞌa ne idi ambano, “Tombuno koꞌoeꞌano kaengkohaꞌano karambole newohamu itu, maꞌanano, sabhaha bansano liwu, mie bhahi, sabhaha siwulu bhe sabhaha wamba.

Powoha 17:15 Referans Kwoze

Powoha 17:1

Pada anaꞌa nomaimo seemie maiꞌao ne malaꞌekati pipituno meowano fitu woka mangko maitu bhe nopugau ne idi ambano, “Mai se ini, amotiwohaangko kahukumu so karambole tiende-endeno mengkohano ne tombuno koꞌoeꞌano.

Powoha 11:9

Mie maiꞌaono ne sabhaha bansano liwu, sabhaha sampuꞌa, sabhaha wamba bhe sabhaha siwulu damoha maeatindo tolu oleo sekaꞌindotu kaomponano. Miina daꞌumundaꞌaanda maeatindo dakumobuhuda.

Powoha 10:11

Dofohato kanaumo ambado, “Hintu tetewei kosuaha toha nada anabii, mugauꞌao so kumadhadhiano ne sabhaha bansano liwu, sabhaha siwulu, sabhaha wamba bhe sabhaha omputo.”

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.