Powoha 14:7 - Muna Southern Dialect

⁷ Anoa nokei nofekahaa-haaꞌi ambano, “Moteꞌiomu ne Lahataꞌala! Fekakalabhiaꞌomu neano! Kapaꞌamo nohatomo tempono kafobhotusiꞌano. Taohao sombamiu ne Mokonandoono lani bhe dhunia, teꞌi bhe sabhaha matano oe.”

Powoha 14:7 Referans Kwoze

Powoha 15:4

Laꞌae bhahaa so tapa moteꞌino ne Hintu Ompu? Laꞌae bhahaa so tapa mekakalabhiano neamu? Kapaꞌamo Hintumo kaowu mongkilono. Sabhaha bansano liwu damai datumaohao sombado ne Hintu, kapaꞌamo kabhotusimu umadhilino dowohaemo sabhaha mie.”

Powoha 11:18

Sabhaha bansando liwu doꞌamaha, tamaka nohatomo amahamu. Aitu nohatomo tempono mie mate dabhotusida, temponomo dua palima-limamu damaꞌanda ponambodo, pedamo dua ne ana-anabii, mie mongkilo, mie moteꞌino neamu, mie mohobu bhe mie bhalano. Temponomo dua damobinasa mie mohansuruno dhunia.”

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 18:10

Andoa daeehe-ehe we mokodoꞌoꞌano hampano daoteꞌi bhahaa nakumantibhada dua balaano kasikisaano. Andoa dapugau, “Balaamo, balaamo hintu kota bhalano, hintu Babel kota moꞌosa, hampano sedhamu kaowu kahukumumu nokangkanaiko.”

Powoha 16:9

Manusia titunuꞌaono kasodono oleo mobhibhiisano naꞌa, tadobhatataꞌiao neano Lahataꞌala kokuasano ne sabhaha balaa amaitu. Andoa miina dametompaꞌao podiundo so damekakalabhiaꞌao Lahataꞌala.

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,

Tula-tulando rasulu 14:15

“Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Powoha 19:5

Notifetingkemo dua suaha nomaiꞌao ne kaengkohaꞌa kumalabhiano maitu ambano, “Pudhi kaitaomu Lahataꞌalantoomu, kosasawimiu palima-limano, hintimiu moteꞌino ne Anoa nabhala nahobu!”

Powoha 8:10

Malaꞌekati katotoluno nobusomo dua duhuleleno, tambaꞌomu nomaiꞌao te lani nondawumo seꞌulu kulipopo bhalano hende-hendeꞌano pasae kaꞌula, notabuhiki sekatolu dawuꞌa umele bhe matano oe we dhunia.

Lukas 17:18

Miina bhe sigaoꞌano bhahaa so sumulino mudhino Lahataꞌala mpahinomo koliwuno ini?”

Powoha 18:19

Andoa daekambuhi bungahasi te fotundo ⸤ katandaino kaguguhundo⸥ , bhe dakumei poowa daoꞌae bhe daekangkoꞌae ambado, “Balaamo, balaamo kota bhalano! Kanandoono dohangkaeaꞌanemo sabhaha mie kokapalano we teꞌi, tamaka sedhamu kaowu nowolomo nobinasa.

Powoha 18:17

kapaꞌamo sedhamu kaowu kabhahino kahangkaeano maitu nowolomo nobinasa.” Kosasawindo nakodha, sawino, mieno bhangka bhe sabhaha mie kokagiuno we teꞌi daeehe-ehe we mokodoꞌoꞌano.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”