Powoha 13:2 - Muna Southern Dialect

² Kadadi anaꞌa nokatu harimau, tamaka aꞌeno peda aꞌeno beruang, wobhano peda wobhano singa. Naga saꞌituini nowaꞌao kaꞌosano, kaengkohaꞌano bhe kuasano bhalano ne kadadi amaitu.

Powoha 13:2 Referans Kwoze

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.

Powoha 17:12

Tandu ompulu peleno newohamu itu, maꞌanano doompulu omputo tapaꞌo mahintano. Tamaka nasedhamu kaomponano daeꞌawa dua kuasa nada omputo dapoowa-owa bhe kadadi amaitu.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Powoha 12:15

Ule anaꞌa nefolua oe nomaiꞌao ne wobhano tapedamo umele noangkafi kundono hobhine amaitu neanomo nawowoꞌoe mawa.

Powoha 12:13

Gahaꞌa hato nopandeꞌao lalono doꞌohoemo we dhunia, o naga naꞌa lasao noꞌamba hobhine molenteno anaꞌi moꞌane saꞌituini.

Powoha 16:10

Malaꞌekati kalidimano nosungkamo mangkono te wawono kaengkohaꞌa kumalabhiano kadadi anaꞌa, sampe liwu kafopahintaꞌano nohohondomo bhe manusia dosia lelando kaꞌosano kaleando.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 13:12

Kadadi anaꞌa nopake kosasawiꞌae kuasano kadadi kabhao-bhaono saꞌituini maka nodhalangie ne wiseno. Kosekaꞌewaꞌae dhunia bhe mie meateno we dhunia nofosuhuda dasumombai kadadi kabhao-bhaono kokabhela modato meowano mate naꞌa, tamaka noꞌuhimo.