Powoha 13:10 - Muna Southern Dialect

¹⁰ Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.

Powoha 13:10 Referans Kwoze

Powoha 14:12

Maraluuꞌano ne ini kakosabahando umati mongkilo dopotaami weo kasabha, mie mangkafino pahintano Lahataꞌala bhe kumampuu-mpuuno kaparasaea ne Yesus.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Powoha 2:2

Apandeꞌaanemo sabhaha kahadhaamiu, kawulemiu bhe kakosabaha potaamiomu. Apandeꞌaane hintimiu miina mesabahakiomu mie modai. Padamo fesolodaomu mie kumonano wutondo rasulu, gahaꞌaitumo sakotuꞌuno suano, pandeꞌaanemoomu andoa maitu mie kopaha.

Matius 26:52

Ambano Yesus ne mie anaꞌa, “Pusoloe kampuemu itu, kapaꞌamo kotika mepakeno kampue namateꞌao dua kampue.

Powoha 16:6

Kapaꞌamo andoamo maitu motuhuno heando umati mongkilono bhe ana-anabii. Aitu fefohoꞌutianda hea, daanumo nopantasimo so andoa.”

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Powoha 2:19

Apandeꞌaane sabhaha kahadhaamiu, kanini kaasimiu, kaparasaeamiu, kaꞌondofaomiu bhe kakosabaha potaamiomu. Apandeꞌaane dua kahadhaamiu mbuhumai ini, nofoliuꞌe kabhahino kahadhaamiu kabhao-bhaono.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

Matius 7:2

Kapaꞌamo kabhotusi nefondawumu ne manusia bhaimu somo dua kabhotusino Lahataꞌala ne wutomu. Pedamo dua aitu tubho nepakemu ne bhaindo somo dua tubhono Lahataꞌala ne wutomu.

Powoha 11:18

Sabhaha bansando liwu doꞌamaha, tamaka nohatomo amahamu. Aitu nohatomo tempono mie mate dabhotusida, temponomo dua palima-limamu damaꞌanda ponambodo, pedamo dua ne ana-anabii, mie mongkilo, mie moteꞌino neamu, mie mohobu bhe mie bhalano. Temponomo dua damobinasa mie mohansuruno dhunia.”

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 17:11

Kadadi dumadino endefiꞌini tamaka ampa aitu miinamo, anoamo ini omputo kaaluno. Anoa seemie dua maiꞌaono ne omputo pipituno maitu maka naehopeki kabinasa.