Powoha 12:3 - Muna Southern Dialect

³ Tanotiwohamo dua tanda timenteꞌaono sigaoꞌano te lani: seꞌulu naga bhalano nodea lalo moꞌito, fotuno fitu pongke, tanduno ompulu pele, te wawono fotuno nandoo songkono omputo fitu woka.

Powoha 12:3 Referans Kwoze

Powoha 17:12

Tandu ompulu peleno newohamu itu, maꞌanano doompulu omputo tapaꞌo mahintano. Tamaka nasedhamu kaomponano daeꞌawa dua kuasa nada omputo dapoowa-owa bhe kadadi amaitu.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 17:16

Tandu ompulu peleno bhe kadadi newohamu itu, dabansi karambole amaitu. Andoa darumampasi sabhaha fehebuaꞌano bhe dalumembie, daomaa iꞌino maka dahumampuniane efi.

Powoha 17:7

Nopugaumo toha malaꞌekati naꞌa ambano, “Noafa gahaꞌa menteꞌao? Amohatoangko maꞌanano tifebuniꞌano hobhine amaitu bhe kadadi kasawiꞌano, kadadi kofotuꞌano fitu pongke bhe kotanduꞌano ompulu pele.

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.

Powoha 12:4

Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 12:1

Tanotiwohamo tanda bhalano timenteꞌaono te lani: seemie hobhine, pakeano o oleo, o wula we pandano aꞌeno, ne fotuno nefokana songkono omputo nomaiꞌao ne ompulu haa ulu kulipopo.

Powoha 16:13

Taꞌawohamo dua rohi modai dototolu pasaꞌida kahaka dolimba maiꞌao ne wobhano naga, ne wobhano kadadi bhe ne wobhano mpahaana-anabiino.

Powoha 19:12

Matano mie amaitu pasae hendeno efi, te fotuno noposunsu-sunsu songkono omputo. Ne uluno notibuhi neano, tamaka miina bhe mandeꞌaanea mpahinomo wutono.

Powoha 12:17

Naga anaꞌa noꞌamaha ne hobhine amaitu lasao nokala nopopahisa noewangi sampuꞌano sigaoꞌano, mie mangkafino pahintano Lahataꞌala bhe mintahakino kafohatono Yesus.

Powoha 12:7

Pada aitu nandoomo popahisaꞌa te surugaa. Mikael bhe malaꞌekatino dopopahisa dopoewangi bhe naga amaitu. Naga anaꞌa nopopahisa dosuhue dua bhe malaꞌekatino.

Powoha 12:13

Gahaꞌa hato nopandeꞌao lalono doꞌohoemo we dhunia, o naga naꞌa lasao noꞌamba hobhine molenteno anaꞌi moꞌane saꞌituini.

Powoha 13:1

Pada anaꞌa awohamo kadadi nolimba maiꞌao weo teꞌi, fotuno fitu pongke, tanduno ompulu pele. Ne tanduno naꞌa nandoo ompulu woka songkono omputo. Te fotuno notibuhi sabhaha nea kafekaꞌaebu ne Lahataꞌala.

Powoha 13:2

Kadadi anaꞌa nokatu harimau, tamaka aꞌeno peda aꞌeno beruang, wobhano peda wobhano singa. Naga saꞌituini nowaꞌao kaꞌosano, kaengkohaꞌano bhe kuasano bhalano ne kadadi amaitu.

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Powoha 15:1

Pada aitu awohamo dua tanda bhalano timenteꞌaono te lani nobhibhiisa sepaliꞌa: dopipitu malaꞌekati deowa fitu honda balaa kapuliaono, kafetompainomo amahano Lahataꞌala.