Powoha 12:17 - Muna Southern Dialect

¹⁷ Naga anaꞌa noꞌamaha ne hobhine amaitu lasao nokala nopopahisa noewangi sampuꞌano sigaoꞌano, mie mangkafino pahintano Lahataꞌala bhe mintahakino kafohatono Yesus.

Powoha 12:17 Referans Kwoze

Powoha 14:12

Maraluuꞌano ne ini kakosabahando umati mongkilo dopotaami weo kasabha, mie mangkafino pahintano Lahataꞌala bhe kumampuu-mpuuno kaparasaea ne Yesus.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.

Powoha 1:2

Dadiꞌanomo ne ini Yohanes nosakusiiꞌaomo sabhaha newohano: bhoasaono Lahataꞌala bhe kafohatono Yesus Kristus.

Powoha 13:7

Kadadi amaitu dowaꞌane dua kapooli napoewangi bhe umati mongkilo maka natumaloda. Dowaꞌane dua kuasa ne sabhaha sampuꞌa, sabhaha siwulu, sabhaha wamba, bhe sabhaha bansano liwu.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.

1 Yohanes 5:2

Ane doasiꞌao Lahataꞌala bhe doangkafi sabhaha pahintano, ingka dopandeꞌaanemo aitu katandainomo doasiꞌao anaꞌino Lahataꞌala.

1 Yohanes 2:3

Ane deangkaomu ne pahintano Lahataꞌala, ingka o katandainomo dopandeꞌaoꞌomu Lahataꞌala.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Powoha 20:4

Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.

Powoha 19:19

Taꞌawohamo dua kadadi ⸤ kofotuꞌano fitu pongke⸥ naꞌa bhe sabhaha omputo ne dhunia dopoowa-owa bhe tantarando, dohompu dapopahisa damewangi mie sumawino ne adhaha kapute maitu bhe tantaraꞌino.

Powoha 18:20

Hintu surugaa, fowula lalomu hampano kahansuruꞌano kota aitu! Fowula dua lalomiu, hintimiu umati mongkilo, rasu-rasulu bhe ana-anabii! Kapaꞌamo Lahataꞌala padamo nowaꞌane kahukumuno mbali kabhoosino sabhaha nehabuno kota amaitu ne hintimiu.”

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.

1 Korintus 2:1

Bhahitieꞌiku! Wakutuuno amai we hintimiu bhe afohatoangkoomu bhihitano Lahataꞌala, miina aepake wamba mokesa tawa afotiwohaangkoomu kapandeku.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Powoha 12:16

Tamaka hobhine maitu notulumie wite. O wite nofonganga wobhano maka nodoꞌu umele lumimbano ne wobhano naga anaꞌa.