Powoha 1:17 - Muna Southern Dialect

¹⁷ Saꞌawohae, lasao aefodapa ne aꞌeno tapedamo mie mate, tamaka Anoa tanotei limano suanano te wawoku bhe nopugau ambano, “Koise moteꞌia! Idimo ini kabhao-bhaono bhe kafetompaino.

Powoha 1:17 Referans Kwoze

Powoha 22:13

Idimo ini Alfa bhe Omega, Maꞌinduluno bhe Mbuhumaino, Kabhao-bhaono bhe Kafetompaino.

Powoha 2:8

“Buhie dua so malaꞌekatino umati we Smirna: pedamo aini kaowilino Kabhao-bhaono bhe Kafetompaino, mada mateno bhe sumuli dumadino.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Matius 28:4

Tantara dhumagano ne itu nohengkuda kateꞌindo sampe dotiwata pasaꞌida mie mate.

Yohanes 21:20

Wakutuu anaꞌa Petrus nodolimo, gahaꞌa nowohamo anaguhu kamoasiꞌaono Yesus noangkafida. Anaguhumo aini mengkohano ne sohihino Yesus wakutuuno dohumaa bhe nofeena ambano, “Ompu, laꞌae bhahaa so mowako ne kaewa?”

Yohanes 13:23

Anaguhu kamoasiꞌaono Yesus, anoa ini nengkoha ne sohihino Yesus.

Matius 14:27

Tamaka Yesus lasao nopugauanda, “Fekatangka lalomiu, o Idi inia, koise moteꞌiomua!”

Matius 28:5

Tamaka malaꞌekati amaitu nopugaumo ne hobhineꞌi anaꞌa ambano, “Hintimiu, koise moteꞌiomua! Ingka apandeꞌaane ondofiomu Yesus tikantaiꞌano te sau salipu.

Powoha 1:4

Salam aini nomaiꞌao ne Yohanes so kofitu tombuꞌae umati we kadieno Asia. Sio-siomo sadhia napobhaiangkoomu kabarakati bhe katohopono dadi nomaiꞌao ne Anoa ndumandoono, toka ndumandoono bhe so humatono, bhe nomaiꞌao dua ne kofitu bansaꞌae Rohi ne wiseno kaengkohaꞌano kumalabhiano,