Powoha 1:16 - Muna Southern Dialect

¹⁶ Ne suanano neinta-intaha kulipopo fitu ulu, nomaiꞌao ne olotano wiwino nolimba kampue mohoko nokomata haa weta bhe ulano nokotilanga pasae oleo toho indotuno.

Powoha 1:16 Referans Kwoze

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Powoha 2:16

Dadiꞌanomo fetompaꞌao podiu modaimiu. Ane paise, apikimaiꞌikoomu apoewangianda amake kampue ne olotano wiwiku ini.

Powoha 19:15

Nomaiꞌao ne olotano wiwino nolimba semata kampue mohoko so natumaloꞌao sabhaha bansano liwu, maka namahintangida naepake katuko uti. Andoa nameoda nada angguru ne kantobha bhalano kaefeoꞌa angguru, kaꞌibahatinomo kapontalabhi-labhino amahano Lahataꞌala Fofoliuno Kuasa.

Powoha 2:12

“Buhie dua so malaꞌekatino umati we Pergamus: pedamo aini kaowilino kokampue mohoko komata haa wetano.

Efesus 6:17

Tahimaeꞌomu kasalamati neꞌawamiu ne Lahataꞌala, maka fokanaeꞌomu kanggetumo songkono tantara bentengino fotumiu. Tahimaeꞌomu dua Bhoasaono Lahataꞌala, kanggetumo kampuemiu maiꞌaono ne Rohino Lahataꞌala.

Powoha 19:21

Kosasawindo mie sigaoꞌano dopongkoanda kampue maiꞌao ne olotano wiwino mie sumawino ne adhaha maitu, maka sabhaha kaꞌuhi lumolano doweꞌi dohumaa iꞌindo.

Matius 17:2

Gahaꞌa Yesus tanotibhaliimo ulano ne wisendo. Wohaꞌano nokotilanga peda oleo, pakeano kapute kosilo.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Powoha 3:1

“Buhie dua so malaꞌekatino umati we Sardis: pedamo aini kaowilino kofehebuaꞌaono kofitu bansaꞌae Rohino Lahataꞌala bhe fitu ulu kulipopo. Apandeꞌaane sabhaha kahadhaamiu, ambado hintimiu dadiomu, gahaꞌaitumo momateomu.

Tula-tulando rasulu 26:13

Gahaꞌa, kolaki Agripa, tambaꞌomo toho-toho indotu oleo we laano sala awoha tilanga nekamondawu nomaiꞌao te lani, nentalea anoa bhe oleo. Tilanga amaitu nokalibu kanau bhe sabhangkaꞌiku poowaꞌaku.

Powoha 12:1

Tanotiwohamo tanda bhalano timenteꞌaono te lani: seemie hobhine, pakeano o oleo, o wula we pandano aꞌeno, ne fotuno nefokana songkono omputo nomaiꞌao ne ompulu haa ulu kulipopo.

Powoha 10:1

Awohamo dua seemie malaꞌekati kokuasano nosampu nomaiꞌao te surugaa. Pakeano o olu, fotuno nopangalibue toꞌue, ulano tapedamo oleo, bhe aꞌeno pasae kampana ngkamala-mala.

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.