Matius 9:8 - Muna Southern Dialect

⁸ Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

Matius 9:8 Referans Kwoze

Lukas 7:16

Kosasawindo mie bhahi doteꞌimo bhe dopudhi Lahataꞌala ambado, “Seemie anabii bhalano notiumbamo ne wunta-wuntantoomu. Lahataꞌala nodongawimo umatino natumulumida.”

Matius 15:31

Mie bhahi maitu tadomente dowoha bhea nopugau, kakempa noꞌosa, kalu nekala-kala, bhe kabunto nofowoha. Dadiꞌanomo kosasawindo dopudhimo Lahataꞌalando miendo Israel.

Tula-tulando rasulu 4:21

Sedhuluꞌa dua kaꞌosano dolambada, tamaka panda-pandano dofolapada dua mbaꞌinomo miina daewohaa dhala so katihukumuꞌandoa. Pakade doteꞌi dua mie bhahi mudhino neano Ompu hampano dowoha kadhadhia amaitu.

Lukas 23:47

Nowoha kadhadhia anaꞌa neangkando tantara nopudhi nofekakalabhia Lahataꞌala ambano, “Kotu-kotuꞌu anoa ini mie banara!”

Lukas 17:15

Seemie ne olotando doompulu maitu, sanowoha wutono nonggelamo, lasao nosuli nopokakei-kei nopudhi Lahataꞌala.

Markus 2:12

Mie kalu aitu nowanumo, lasao notongku katiꞌoweaꞌano saꞌituini maka nolimba. Kosasawindo mie humatono dowohae kadhadhia amaitu. Mie andoa naꞌa domente sepaliꞌa bhe dopudhi Lahataꞌala ambado, “Kaneꞌomo aitu dowohaomu kadhadhia medando aini.”

Galatia 1:24

Dadiꞌanomo andoa dofekakalabhia Lahataꞌala mbaꞌinomo kumadhadhiaꞌano ne idi ini.

Yohanes 15:8

Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

Lukas 13:13

Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 21:20

Dofetingke peda naꞌa dopudhimo Lahataꞌala maka dopugau ne Paulus ambado, “Paulus bhahitie mani, naetaa mandeꞌaane nehewundomo miendo Yahudi marasaeano ne Yesus, bhe sanea mintahakino mpuu tubhono agama Yahudi.

Markus 7:37

Mie metingkeno tadomente bhe dotonto. Ambado, “Pahasili, ingka sabhaha giu nofekataaꞌie. O kapongke nofofetingkeda, o bhohe nofekapandeda dopugau.”

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Matius 12:23

Kosasawindo mie tadomente, ambado, “Anoamo ini bhahaa nekonando sampuꞌano Daud?”

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Matius 9:7

Mie kalu naꞌa lasao nowanu maka nosuli se lambuno.

Lukas 2:20

Dhagaꞌino dhumba anaꞌa dosulimo we pada dopudhi dofekakalabhia Lahataꞌala, hampano kosasawiꞌae nefetingkendo bhe newohando nopobutu sepaliꞌa bhe nefohatoꞌaono malaꞌekati.

Lukas 17:18

Miina bhe sigaoꞌano bhahaa so sumulino mudhino Lahataꞌala mpahinomo koliwuno ini?”

Lukas 18:43

Mie anaꞌa lasao nofowoha maka noangkafi Yesus poowa nofekakalabhia Lahataꞌala. Kosasawindo mie mohano kadhadhia amaitu, dopudhimo dua Lahataꞌala.

2 Korintus 9:13

Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.