Matius 9:37 - Muna Southern Dialect

³⁷ Nopugaumo Yesus ne anaguhuꞌino ambano, “Pehapi so netobhe nobhahi, tamaka kumahadhaano dendai.

Matius 9:37 Referans Kwoze

Lukas 10:2

Nopugaumo ambano, “Pehapi so netobhe daanumo nobhahi, tamaka kumahadhaano dendai. Dadiꞌanomo mesaloomu ne kokaampono naꞌa, naetudu mie dakumala datumobhe.

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Tula-tulando rasulu 16:9

Nohondo oleo Paulus nokopowohamo. Weo powohano nandoo seemie maiꞌaono we Makedonia neehe-ehe ne itu bhe nesalo ne anoa ambano, “Limbamo we sewetano ini, tulumi kainsami.”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

Kolose 4:11

Kapakatuno dua salam maiꞌao ne Yesus nekonando dua Yustus. Kabhahindo miendo Yahudi marasaeano ne Ompu Yesus, ampamo andoa totoluno pobhai kanau takahadhaa so Kafopahintaꞌano Lahataꞌala. Andoa ini dolawesi mpuu laloku.

Tula-tulando rasulu 18:10

O idi apobhaiangko kansuhu, pae bhe so dumingkukoa tawa modee-deekoa hampano dobhahi umatiku weo kota aini.”

Matius 9:38

Dadiꞌanomo mesaloomu ne kokaampono naꞌa, naetudu mie dakumala datumobhe.”

Matius 20:1

“Kafopahintaꞌano Lahataꞌala tapedamo seemie kafeompuꞌa, nandoo samentaeno nokalamo neꞌondofi so kumahadhaano te kaampono angguruno.

Yakobus 5:4

Fetingkeomu itu fedeendo mie kumahadhaano te kaampomiu; kafedeeꞌando ingka miina maꞌandaomu ponambodo. Katondalando mie mehompuangkoomu pehapi naꞌa nofetingkeemo dua Ompu Kokuasano ne alamu bhalano ini.