Matius 9:20 - Muna Southern Dialect

²⁰ Wakutuu aitu nandoo seemie hobhine ompulu haa taꞌumo nomaiꞌie kansuhu wulano miina bhe katiehea. Hobhine aini nomaꞌoti Yesus maiꞌao we kundo maka nodingku dhambe-dhambeno dhubano.

Matius 9:20 Referans Kwoze

Matius 14:36

Andoa desalo naꞌumundaꞌaanda dadumingku dhubano, mahingga dhambe-dhambeno kaowu. Kosasawindo dumingkue doꞌosamo.

Markus 6:56

Ne amai maka dua kakalaꞌano, ne kota, ne liwu bhalano bhahaꞌi ne liwu mohobu, sadhia deowaꞌiane mie mosaki. Mie mosakino maitu tadofondoledamo we kadeteno daoa maka desalo dadumingkue, mahingga wiwino dhubano kaowu. Kosasawindo dumingkuno Yesus lasao doꞌosa.

Markus 8:22

Yesus bhe anaguhuꞌino dohatomo we Betsaida. Ne itu deowaane seemie kabunto maka desalo namedampae.

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Tula-tulando rasulu 5:15

Sampe kanandooꞌanomo dua deowaꞌi mie mosaki ne wiwino kaangkaꞌa, tadofondoledamo ne kaodoꞌa tawa ne kampasi, bhahaꞌi kaowu namangka Petrus tadua nakumantibhadamo ondulano.

Tula-tulando rasulu 19:12

Mahinggamo tadowowoꞌo kakamasi tawa kabhini nepakeno Paulus maka doteiꞌe te wawondo mie mosaki, doꞌosaanemo. Sakindo tanosimiinaeꞌamo, o seetani dopuli dolimba.

Matius 9:19

Yesus noehe maka noangkafi mie anaꞌa, nopoowa-owa bhe anaguhuꞌino.