Matius 9:2 - Muna Southern Dialect

² Ne itu deowaanemo seemie kalu, nendole-ndole ne kaodoꞌano. Nowoha kabhalano kaparasaeando maitu, Yesus nopugaumo ne kalu naꞌa ambano, “Fekatangka lalomu sabhangka, dhosamu notiꞌamponimo.”

Matius 9:2 Referans Kwoze

Matius 9:22

Tamaka Yesus nodoli, nowohamo hobhine amaitu bhe nopugau ambano, “Fekatangka lalomu waꞌina, hampano kaparasaeamu ne Idi moꞌosamo.” Notanda aitu hobhine naꞌa noꞌosamo.

Yakobus 2:18

Tamaka bheanea nandoo dua mugauno, “Seemie nopasande ne kaparasaeano, seemie nopasande ne habuno.” Mie aitu atumobhoosie, “Soba fotiwoha kanau kaparasaeando mie tapa seowaꞌano bhe habundo. ⸤ Ingka miina nandumandooa.⸥ Tamaka o idi amotiwohaangko habu metaaku tandano kaparasaeaku.”

Tula-tulando rasulu 19:12

Mahinggamo tadowowoꞌo kakamasi tawa kabhini nepakeno Paulus maka doteiꞌe te wawondo mie mosaki, doꞌosaanemo. Sakindo tanosimiinaeꞌamo, o seetani dopuli dolimba.

Yohanes 21:5

Nopugaumo Yesus ne andoa ambano, “O sabhangka, mepooliomu kentaa?” Dotobhoosimo ambado, “Miina.”

Matius 8:10

Nofetingke peda naꞌa, Yesus nomente sepaliꞌa, maka nopugau ne mie mangkafie ambano, “Amohatokoomu, kotu-kotuꞌu kabhalano kaparasaea medando ini miinaꞌo apoꞌawaane ne olotando miendo Israel.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Roma 5:11

Suano kaowu taꞌanaꞌaa. Nowula dua lalontoomu mbaꞌinomo nehabuno Lahataꞌala mangkano ne Ompuntoomu Yesus Kristus, hampanomo Anoa intaodiomu dopometaa bhe Lahataꞌala ampa aitu.

Tula-tulando rasulu 14:9

Anoa nofetingke dua pugauno Paulus. Gahaꞌa Paulus notontoe, wohaꞌano kaparasaeano mie aini naembali naoꞌosaane.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Matius 9:6

Amotiwohaangkoomu Anano Manusia - Idimo ini - nokokuasa neꞌamponi dhosa te dhunia ini.” Maka nopugau ne kalu naꞌa, “Wanuꞌo toha, sangke kaodoꞌamu itu maka suli se lambumu.”

Matius 8:16

Nosoo kaowu oleo, Yesus deowaꞌianemo mie nepesuakino seetani. Yesus tanopugaumo kaowu sewobha wamba, seetani andoa maitu dopuli dolimba. Anoa nofekaꞌosa dua kosasawindo mie mosakino.

Yohanes 2:25

Miina namaraluu damohatoane feꞌilindo manusia, kapaꞌamo nopandeꞌaane totono lalondo manusia.

Markus 5:34

Ambano Yesus ne hobhine aitu, “Waꞌina, hampano kaparasaeamu ne Idi, moꞌosamo. Sulimo, netaamo namisimu, moꞌosamo kansuhu itua.”

Markus 1:32

Kamaꞌoleomo dua anaꞌa, nosoo kaowu oleo, dehatoanemo mie mosakino bhe mie nepesuakino seetani weo liwu.

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Matius 9:5

Nomuda ae bhahaa, apugauꞌao, ‘Dhosamu notiꞌamponimo’ bhahaꞌi apugauꞌao ‘Wanumo maka kala’?

Matius 14:27

Tamaka Yesus lasao nopugauanda, “Fekatangka lalomiu, o Idi inia, koise moteꞌiomua!”

Markus 6:50

Dotikenda sepaliꞌa, kapaꞌamo kosasawindo sanea mohae. Tamaka Yesus lasao nofohatoda ambano, “Fekatangka lalomiu. O Idi inia, koise moteꞌiomu!”

Markus 10:49

Yesus nofetumpumo maka nopugau ambano, “Loꞌoiꞌeomu!” Lasao dosaliꞌi kabunto maitu bhe dofohatoe, “Fekatangka lalomu! Ehemo, nosaliꞌiko!”

Tula-tulando rasulu 23:11

Nohondo oleo Ompu neehe-ehemo ne sohihino Paulus ambano, “Fekatangka lalomu, ingka padamo sakusii kanau ne Yerusalem ini. Mada kaowu sumakusii kanau dua nada aitu we kotano Roma.”