Matius 8:20 - Muna Southern Dialect

²⁰ Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Matius 8:20 Referans Kwoze

Lukas 2:7

Nokoanaꞌaomo seemie moꞌane, titiisano, nowaweꞌianemo kabhini maka nofondolee weo kampomaaꞌando kadadi, kapaꞌamo miinamo datooleaꞌa ne lambu kabutuꞌa.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Lukas 2:16

Pada aitu tadopoagohimo dokala maka doꞌawamo Maria bhe Yusuf bhe anaꞌi kahobu anaꞌa nendole-ndole weo kampomaaꞌano kadadi.

Lukas 2:12

Nada ini katandaino, hintimiu meꞌawaomu seemie anaꞌi kaneꞌo lumenteno dowaweꞌiane kabhini nendole-ndole weo kampomaaꞌando kadadi.”

Lukas 8:3

Yohana hobhineno Kusa, Susana bhe hobhineꞌi sigaoꞌano. Kusa naꞌa mandeꞌaonomo kamalino kolaki Herodes. Hobhine andoa ini doꞌondofao kafaraluuno Yesus bhe sabhangkaꞌino dopake kanandoodo wutondo.

Matius 12:32

Ane o mie nopahampugau noewangi Anano Manusia natiꞌamponi; tamaka ane dopahampugau doewangi Rohino Lahataꞌala pae natiꞌamponia, naetaa te dhunia ini, naetaa we suliꞌa.”

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 17:9

Wakutuuno dosampu domaiꞌao te kabhawo naꞌa, Yesus nopugauandamo ambano, “Koise mekapunaꞌaoꞌomu newohamiu saꞌituini ne laꞌae maka dua. Simbali Anano Manusia - Idimo ini - namanumo namaiꞌao ne mate, maka naembali mekapunaomu ne mie sigaoꞌano.”

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:13

Nohato kaowu we kadieno Kaisarea Filipi, Yesus nofeenamo ne anaguhuꞌino ambano, “Ambado mie, laꞌae gahaꞌa Anano Manusia - Idi ini?”

Matius 12:40

Kapaꞌamo peda anabii Yunus neate weo handano kenta bhalano tolu oleo tolu alo, nadamo dua aitu Anano Manusia naeate we lalono wite tolu oleo tolu alo.

Matius 12:8

Anano Manusia - Idimo ini - nokokuasa dua namotantu atorano oleono Sabat.”

Matius 13:37

Notobhoosidamo ambano, “Mie meꞌewino wine metaa, maꞌanano Anano Manusia - Idimo ini.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Lukas 9:58

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia miina sepaliꞌa bhe katifekalaaꞌiꞌano towuno.”

Lukas 12:8

Amohatokoomu, laꞌa-laꞌae pugauno ne wisendo manusia putae noangkafi Idi, Anano Manusia, asumakusiiane dua te wisendo malaꞌekatino Lahataꞌala.

Lukas 18:8

Amohatokoomu, Lahataꞌala lasao napotunduꞌaanda. Ampamo kaowu humato nasumuli Anano Manusia, nandoo napoꞌawaꞌao bhahaa mie so marasaeano ne Anoa te dhunia ini?”

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Yohanes 1:51

Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Yohanes 3:13

Bhe naseemie miinaꞌo bhe monino te surugaa, ampamo kaowu Anano Manusia - Idimo ini - sumampuno maiꞌao te surugaa.

Yohanes 3:14

Tapedamo anabii Musa nefopika ule tambaga ne sau maka nosangkee nofekalangkee we pandaso bhalano, nadamo dua anaꞌa Anano Manusia tetewei dasumangkee damekalangkee,

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Yohanes 6:53

Ambano Yesus, “Amohatokoomu, kotu-kotuꞌu ane pae momaaꞌomu dhagino Anano Manusia bhe mohoꞌuomu heano pae bhe dadi weo totono lalomiu.

Yohanes 6:62

Kaowu nada amai bhahaa fekihimiu ane mohaomu Anano Manusia sumuli namoni te kaeateꞌano wawo?

Yohanes 12:34

Dotobhoosimo mie bhahi ambado, “Padamo tafetingke maiꞌao ne Kitabi, ingka Mesias Omputo Fosalamatino nadumadi ampa suhue dhamani. Noafaꞌao dua pugau Anano Manusia dasumangkee te melangkeꞌano? Laꞌae bhahaa Anano Manusia maitu?”

Yohanes 13:31

Nokala kaowu Yudas, Yesus nopugaumo ambano, “Aitu kakalabhiano Anano Manusia natiwohamo bhe kakalabhiano Lahataꞌala natiwoha dua ne Anoa ini.

Tula-tulando rasulu 7:56

Nopugaumo Stefanus ambano, “Soba ondoomu, awoha lani notilengka bhe Anano Manusia neehe-ehe ne sohihino Lahataꞌala.”