Matius 7:15 - Muna Southern Dialect

¹⁵ “Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Matius 7:15 Referans Kwoze

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

Matius 24:11

Dabhahi mpahaana-anabiino sampe dabhahi mie so mokolilinono totono lalo.

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

2 Petrus 3:17

Tamaka hintimiu, bhahitieꞌiku timoasiꞌaono, ingka pandeꞌaanemoomu wawo bhahi-bhahiꞌae naꞌa. Dadiꞌanomo kodhagaomu koe dobulukoomu weo kalibundo mie kolilinono pata mefadhulino atora, bhahasaa mondawuomu maiꞌao ne kafindaꞌamiu motangkaꞌano.

Lukas 6:26

Balaamoomu, ane kosasawindo mie damudhikoomu, hampano pedamo dua naꞌa habundo awuaꞌindo ne mie mpahaana-anabiino.”

2 Timotius 3:13

Tamaka mie modai bhe fobhohe-bhoheꞌino nadhumulu kadaindo, damokolilino totono lalondo mie bhaindo, gahaꞌaitu totono lalondo wutondo nakolilino dua.

2 Timotius 4:3

Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

Filipi 3:2

Kodhagaomu ne mie mehabuno modaino, kodhagaomu ne daꞌu andoa maitu, patudhundo dafofosuhu daesuna, gahaꞌa detoto kaowu ulundo mie.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Lukas 12:15

Ambano toha Yesus ne mie bhahi, “Posiꞌondoomu bhe kodhagaomu ne sabhaha kakadau-dau, kapaꞌamo mahinggamo mie napontalabhi-labhi kahangkaeano, dadino miina naeate ne kahangkaeano naꞌa.”

Powoha 16:13

Taꞌawohamo dua rohi modai dototolu pasaꞌida kahaka dolimba maiꞌao ne wobhano naga, ne wobhano kadadi bhe ne wobhano mpahaana-anabiino.

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Tula-tulando rasulu 13:40

Dadiꞌanomo posiꞌondoomu keana nokantibhakoomu tibuhiꞌano weo Kitabindo ana-anabii peda aini,

Yohanes 10:12

Nopoꞌala bhe mie mealano ponambo, anoa maitu suano dhagano dhumba, suano dua kodhumbano. Mie medano aini, sanowoha daꞌu ngkahoku nomai, tanohunsada dhumba maitu maka nofilei. Dhumba andoa naꞌa nohontopidamo daꞌu ngkahoku bhe nopogasa-gasaanda.

Matius 16:11

Noafaꞌao dua miina lumosangieꞌomua, ingka suano roti patudhuku saꞌituini. Kodhagaomu bhe posiꞌondoomu ne ragindo miendo Farisi bhe Saduki!”

Matius 16:6

Nopugaumo Yesus, “Kodhagaomu bhe posiꞌondoomu ne ragindo miendo Farisi bhe Saduki.”

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.

Tula-tulando rasulu 13:6

Andoa doliligi kosekaꞌewaꞌae wite aitu ampa we kotano Pafos. Ne itu dopoꞌawaꞌao seemie Yahudi, neano Bar Yesus, seemie pande sihiri bhe mpahaana-anabiino.

Matius 7:14

Tamaka noseke fointo bhe nomahasai mpuu kaangkaꞌa humopeꞌano ne dadi suhue dhamani, pakade miina dabhahia mie mangkaiꞌe.”

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.