Matius 7:14 - Muna Southern Dialect

¹⁴ Tamaka noseke fointo bhe nomahasai mpuu kaangkaꞌa humopeꞌano ne dadi suhue dhamani, pakade miina dabhahia mie mangkaiꞌe.”

Matius 7:14 Referans Kwoze

Matius 22:14

Kapaꞌamo nobhahi tibhasino tamaka seendai kaowu tipilino.’ ”

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Markus 8:34

Pada aitu Yesus nosaliꞌimo mie bhahi bhe anaguhuꞌino maka nopugau ambano, “Ane dopoindalo damangkafi kanau, tetewei dahumunsa kapoindalondo wutondo. Mada anaꞌa datumongku sau salipundo ⸤ maꞌanano doꞌunda mahingga damate⸥ maka damangkafi kanau.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Matius 20:16

Ambano toha Yesus, “Pedamo anaꞌa mie humatono mbuhumai sumuli damaꞌindulu, maꞌinduluno sumuli dambuhumai.”

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Roma 9:32

Noafa bhahaa pata katosampeꞌano? Ingka mbaꞌinomo dohabu bhahi-bhahiꞌae maitu miina dasumahunaꞌao kaparasaeando, tamaka dotangkaꞌao kaꞌosando doꞌulei sampe dotilole dotituno ne kontu, ⸤ maꞌanano wutono Kristus⸥ .

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Matius 7:13

Pesuaꞌomu ne fointo mosekeꞌano, kapaꞌamo neꞌewa fointo bhe nolalesa kaangkaꞌa humopeꞌano we narakaa, pakade dobhahi mie mangkaiꞌe.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.