Matius 7:11 - Muna Southern Dialect

¹¹ Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

Matius 7:11 Referans Kwoze

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

1 Yohanes 4:10

Suano intaodiomu maꞌinduluno moasiꞌaono Lahataꞌala, tamaka Anoa fomoasiꞌaono sampe notudu Anano nembali kapopanga pometaaꞌaono manusia bhe Lahataꞌala, mosalinomo dhosantoomu. Ainiꞌaemo kanini kaasi sakotuꞌuno.

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Roma 3:9

Kaowu pedamo ae bhahaa intaodiomu miendo Yahudi? Dofoliuda intaodi ini bhahaa bhe bansano liwu sigaoꞌano? Ingka miina! Saꞌituini pada afetanaanda, naetaa miendo Yahudi naetaa bansano liwu sigaoꞌano saneamo deate weo kuhumano dhosa.

Matius 7:10

Tawa ane nesalo kenta tanowaꞌane ule?

Matius 23:9

Koise fokoamaomu ne laꞌae maka dua ne dhunia ini, kapaꞌamo seemie kaowu Amamiu, Amamiu te surugaa.