Matius 6:7 - Muna Southern Dialect

⁷ Pakade sambaheamu koe tanobhahi-bhahimo wamba tapa komaꞌanano, peda kaneando mie tapa mandeꞌaono Lahataꞌala. Dukuno lalondo hampano kabhahino wambado maitu, natitahimaanemo kamesalondo.

Matius 6:7 Referans Kwoze

Matius 26:44

Miinamo nadumiu-diuda, tanokalamo toha nosambahea, kakapono tolu paku. Sambaheano nopototo bhe saꞌituini.

Matius 6:32

Kosasawiꞌae naꞌa nefosibhalandomo sabhaha bansano liwu tapa mandeꞌaono Lahataꞌala. Amamiu te surugaa nopandeꞌaane kosasawiꞌae maitu faraluuꞌeomu.

Tula-tulando rasulu 19:34

Tamaka sadopandeꞌaane anoa maitu miendo Yahudi, kosasawindo dosikei-keiꞌamo napehaa dhamu kaomponano. Ambado, “Nokalabhia Artemis, dewando miendo Efesus!”

Matius 26:42

Fendua toha nokala nosambahea ambano, “Ama, ane kasabha aini pae naembali mogampie, tamaka tetewei atumompaloiꞌe, taꞌampamo kapoindalomu so kumadhadhiaꞌano.”

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.