Matius 6:6 - Muna Southern Dialect

⁶ Tamaka ane sumambahea pesua weo bolokumu, onto fointo maka sambahea ne Amamu pata tiwohano. Ane nada naꞌa Amamu mohano tifebuniꞌano nabholosiangkoe.

Matius 6:6 Referans Kwoze

Matius 14:23

Dokala kaowu mie bhahi, Yesus nofonimo te kabhawo nosambahea nomoisa. Nohondo oleo, sadaa-daaꞌe ne itu nomoisa.

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Matius 6:18

keana dopandeꞌaane mie bhaindo putae poasaomu, ampamo kaowu Amamu tapa tiwohano mandeꞌaane. Maka Amamu mohano tifebuniꞌano nabholosiangkoeꞌomu.”

Tula-tulando rasulu 10:9

Nomentae, nahambi-hambi ompulu haa matamo pana oleo Petrus nofonimo te ato maka nosambahea. Wakutuu anaꞌa mie totoluno saꞌitu nandooda we sala tamaka domaꞌomo we Yope.

Matius 6:4

Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

Efesus 3:14

Hampanomo kosasawiꞌae ini, afongkoha tuuku asambahea ne wiseno Amantoomu.

Roma 8:5

Mie dumadino mangkafino kamanusiano dofekihi kansuhu kapoindalono mbadha, tamaka mie dumadino mangkafino kaatono Rohino Lahataꞌala, sadhia dofekihi kapoindalono Rohino Lahataꞌala.

Tula-tulando rasulu 10:30

Ambano Kornelius, “Netolumo hambi tolu mata, pedamo dua aitu oleoa, tangasano asambahea weo lambu tambaꞌomo awoha mie neehe-ehe ne wiseku, pakeano nokosilo.

Yohanes 1:48

Ambano Natanael, “Peda ae pandeꞌa kanau bhahaa?” Notobhoosimo Yesus ambano, “Miinaꞌo nasumaliꞌiko Filipus, awohakomo we pandano puꞌuno ara.”

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”